नयाँ दिल्ली – प्रधानमन्त्री नरेन्द्र मोदीले जापान-भारत व्यापार सहयोग समितिका अध्यक्ष तात्सुओ यसुनागा नेतृत्वमा आएको जापानी व्यापार प्रतिनिधिमण्डलसँग भेटवार्ता गरेका छन्।

यस प्रतिनिधिमण्डलमा उत्पादन, बैंकिङ, उड्डयन, औषधि, प्लान्ट इन्जिनियरिङ र आपूर्ति श्रृंखलासम्बन्धी जापानी कम्पनीका वरिष्ठ अधिकारीहरू सामेल थिए। यस अवसरमा मोदीले जापानी व्यवसायहरूद्वारा भारतमा गरिने लगानी तथा ‘मेक इन इंडिया, मेक फर द वर्ल्ड’ पहलप्रति देखाइएको दृढ प्रतिबद्धताको सराहना गरे।

भेटमा भारत-जापान व्यापार सम्बन्धलाई अझ प्रगाढ बनाउने, भारतलाई उच्च गुणस्तरीय तथा कम लागतको उत्पादन केन्द्रको रूपमा विस्तार गर्ने, विशेष गरी अफ्रिकी बजारलाई लक्षित गर्दै उत्पादन वृद्धिको सम्भावनाबारे छलफल भएको थियो।

प्रधानमन्त्रीले मानव संसाधन विकासमा सहकार्यलाई प्राथमिकता दिँदै जापान-भारत साझेदारीका मुख्य आधारहरूमध्ये एक रहेको बताए। उनले सामाजिक सञ्जालमा लेखेका छन्, "जापानी व्यापार प्रतिनिधिमण्डलसँग भेट्दा खुशी लाग्यो। उनीहरूको भारतमा विस्तार योजनाले उत्साहित बनाएको छ। जापानसँगको आर्थिक सहकार्य अझ बलियो बनाउने अपेक्षा गरेको छु।"