समाचार

बाबुरामले पार्टी छोड्दा अशोक राईलाई फाईदाः तेश्रोबाट पहिलो वरियतामा उक्लिए

बाबुरामले पार्टी छोड्दा अशोक राईलाई फाईदाः तेश्रोबाट पहिलो वरियतामा उक्लिए

पूर्वप्रधानमन्त्री डा. बाबुराम भट्टराई पार्टीमा हुँदा तेश्रो वरियतामा रहेका अशोक राई जसपाको पहिलो वरियतामा पुगेका छन् । अध्यक्ष उपेन्द्र यादव समेतलाई पछि पारेर राई पार्टीको पहिलो वरियतमा उक्लिएका हुन।

भट्टराई संघीय परिषद अध्यक्ष हुँदा यादव अध्यक्ष र राई वरिष्ठ नेताको रुपमा तेस्रो नम्बरमा थिए। तर, असार २९ गते वीरगञ्जमा बसेको केन्द्रीय समितिको वैठकले केन्द्रीय कार्य समिति पुनर्गठन गर्दा राईलाई एक नम्बरमा ल्याइएको हो । डा. भट्टराईले पार्टी छोडेपछि उनको ठाउँमा राईलाई स्थापित गरिएको हो।

बैठकले भट्टराईलाई संघीय परिषद्को अध्यक्षबाट हटाएर राईलाई मनोनयन गरिएको थियो । तर पार्टीको विधानमा दुई अध्यक्षको व्यवस्था भएपनि यादवले केन्द्रीय समिति पुनर्गठन गर्दा एकजना अध्यक्ष मात्र राखेका छन् । अध्यक्षमै कुरा नमिल्दा भट्टराई पार्टीबाट आउट भएका हुन् । 

वैठकले आगामी निर्वाचनमा पार्टीको तर्फबाट उम्मेदवार चयनका लागि केन्द्रीय समितिको अध्यक्ष प्रमुख रहने गरी १३ सदस्यीय संसदीय बोर्ड गठन गरेको छ। बोर्डमा प्रदेश १ बाट दिपक याख्खा, मधेश प्रदेशबाट बालकिशोर यादव, हरिनारायण यादव, गोविन्द चौधरी रहेका छन्।

बागमती प्रदेशबाट लालबहादुर तामाङ, लुम्बिनी प्रदेशबाट सहसराम यादव, कर्णाली प्रदेशबाट वीरबहादुर शाही, सुदूरपश्चिमबाट हेमन्त माण्डव्य रहेका छन् । संघीय परिषद्का अध्यक्ष, वरिष्ठ नेता तथा सहअध्यक्ष पदेन सदस्य रहनेछन्। 

जसपाले अगामी संघ तथा प्रदेशसभाको चुनावलाई लक्षित गरी निर्वाचन तयारी अभियान समितिको सचिवालय गठन गरेको छ । आठ सदस्यीय सचिवालयमा प्रदेश १ बाट नवराज गुरुङ, मधेश प्रदेशबाट चन्देश्वर सदा, चन्देश्वर प्रसाद सिंह, बागमती प्रदेशबाट पञ्चलाल महर्जन, गण्डकी प्रदेशबाट शर्मिला थापा, लुम्बिनी प्रदेशबाट मनिकर कार्की, कर्णाली प्रदेशबाट बलिराज शाही र सुदूरपश्चिमबाट भीमबहादुर थापा छन् ।
 

जसपा अशोक राई बाबुराम भट्टराई
ADVERTISEMENT