समाचार

गगन थापाको सुझावः सार्वजनिक पद धारण गरेर यौन हिंसा गर्नेलाई थप दुई वर्ष कैद

गगन थापाको सुझावः सार्वजनिक पद धारण गरेर यौन हिंसा गर्नेलाई थप दुई वर्ष कैद

नेपाली कांग्रेसका महामन्त्री गगनकुमार थापाले यौन हिंसाको घट्नामा सार्वजनिक पद धारण गरेका ब्यक्तिको संलग्नता पाईए थप दुई वर्ष बढी कैद सजाय गर्नुपर्ने सुझाव दिएका छन् ।

यौन हिंसाविरुद्धका केही ऐनलाई संशोधन गर्ने विधेयक २०७९ माथिको छलफलमा भाग लिंदै थापाले यस्तो सुझाव दिएका हुन् । उनले भने– ‘सार्वजनिक पद धारण गरेकोले यदि पीडितहरुलाई धम्काउने, प्रलोभनमा पार्ने कुरा गर्दा ६ महिना बढी कैद भनिएको छ, यसलाई कम्तिमा पनि दुई वर्ष बनाउनुपर्छ,’ उनले भने ।

कतिपय जनप्रतिनिधिहरु पनि यस्तो काममा संलग्न भएको देखेको बताउँदै थापाले कैद सजायको अवधि बढाउनुपर्ने सुझाव दिए। विधेयकमा सार्वजनिक पद धारण गरेका व्यक्तिले यौन हिंसा गरेको भए थप ६ महिना कैद सजाय हुने उल्लेख छ ।

बलात्कृत भएको पीडितलाई गर्भपतन गराउने समयको सन्दर्भमा र उमेरको आधारमा जुन सजाय तोकिएको छ, उमेर मात्र होइन, अवस्था र प्रकृतिको आधारमा थप्नुपर्ने उनले सुझाव दिए ।

गगन थापा