समाचार विदेश मुख्य समाचार राजनीति

'मानिस खाना नपाएर मरिरहेका छन्, सरकार विपक्षीको चरित्र हत्यामा व्यस्त छ'

'मानिस खाना नपाएर मरिरहेका छन्, सरकार विपक्षीको चरित्र हत्यामा व्यस्त छ'

एजेन्सी : पाकिस्तानी राजनीतिक दल जमइत उलेमा-ई-इस्लामका प्रमुखसमेत रहेका मउलाना फजलुर रहमानले सरकराले जनताको समस्यामा ध्यान नदिएको बताएका छन् । 

 

उनले जनता एक छाक खाना नपाएर मर्नुपर्ने स्थिति बनेको भए पनि सरकार भने जनताका समस्या समाधान गर्नुको साटो विपक्षी दलको चरित्र हत्यामा व्यस्त रहेको बताएका छन् । 

 

"विश्वव्यापी एजेन्डाको एक हिस्साका रूपमा पाकिस्तानमा रहेका "छानिएका शासकहरू" आफ्नो [अन्तर्राष्ट्रिय संस्थाहरू जस्तै आईएमएफ-विश्व बैंक] उद्देश्यहरू पूरा गर्न व्यस्त छन्, उनले भने, "जबकि शेखुल हिन्दको आध्यात्मिक उत्तराधिकारीहरूले भने उनीहरूको एजेन्डा विफल पार्न संघर्ष गरिरहेका छन् ।"

 

डेरा इस्माइल खानमा जेयूआई प्रान्तीय कार्यसमितिलाई सम्बोधन गर्दै उनले यसो बताएका हुन् । 

 

उनले राजनीतिक नेताहरू कोरोनाको पछाडि लुक्न नहुने भन्दै मानिसहरू खाना नपाएको बताए । उनले मदरसा सुधारको आडमा कुनै पनि गलत मनासयले गरिएको परिवर्तन स्वीकार्य नहुने र मदरसाको स्वतन्त्रतालाई कसैले रोक्न नसक्ने पनि जोड दिए ।