विचार

जनतालाई राहत दिने बेला राष्ट्रबादको नाममा उचालेर आफ्नो पद जोगाउने यो समय होइन्

प्रधानमन्त्रीलाई खुल्ला पत्र

जनतालाई राहत दिने बेला राष्ट्रबादको नाममा उचालेर आफ्नो पद जोगाउने यो समय होइन्

प्रिय प्रधानमन्त्रीज्यु, यो बेला रोक र भोकले थलिएको जनतालाई राहत दिने बेला हो, राष्ट्रबादको नाममा उचालेर आफ्नो पद जोगाउने बेला होइन् ।

विगतमा भू–राजनीतिले नेपालको आन्तरिक राजनैतिक मामिला असर पारेका घटनाहरूको शृंखला हामिले देखेका छौं । नयाँ क्षेत्रहरू समावेश गरेर नक्शा जारी गर्ने निर्णयले हामि जस्ता लाखौं नेपाली युवाहरूलाई उत्साहित तुल्यायो । हामि शिर ठाडो पार्यो तर अब हामि गर्वले भन्न सक्छौं कि हाम्रो राष्ट्रियता भारतसामु झुक्दैन् । तर दिल्ली र काठमाडौंमा तपाईंलाई पदबाट हटाउन षडयन्त्र रचिएको तपाईंको भनाई र सडकमा तपाईंको समर्थनको अस्त्रको रुपमा प्रयोग गरिएको राष्ट्रियताका नाराहरुले हामिलाई निराश तुल्याएको छ, अलमल्लमा पारेको छ र चिन्तित बनाएको छ ।

म निराश छु की तपाईंका कार्यकालमा पनि नेपालमा वैदेशिक हस्तक्षेत्र रोकिएन र नेपालको सार्वभौमसता अझै खतरामा छ । विदेशीको षड्यन्त्रले तपाई स्वयमलाई नै पदबाट हटाउन सक्ने रहेछ भने नेपालमा सार्वभौमतालाई तपाईंले कसरी बचाउन सक्नुहुन्छ भन्नेमा अब हामि अलमलमा परेका छौं । तपाईंलाई हटाउन नयाँ दिल्लीमा भईरहेको षड्यन्त्रको बारेमा चेतावनी दिने खुफिया संरचनाले कसरी हाम्रो इलाकामा ८० किमि लामो सडक निर्माण भईसकदा पनि सुचना दिन सकेन ? यसले पक्कै पनि एक तटस्थ नेपाली यूवाको मनमा शंका उत्पन्न हुन्छ कि कतै तपाईले आफ्नो पद जोगाउन फेरि पनि राष्ट्रियतालाई अस्त्रको रुपमा त प्रयोग गरिराख्नु भएको छैन् ।

कोभिड–१९ को महामारीको चलिरहेको बेला र सारा विश्वले भिड जम्मा गर्ने सबै कार्यक्रमहरु रोकेको बेला तपाईको पक्षमा राष्ट्रियताको नारा लगाउँदै जम्मा हुने भिड के नेपालको राष्ट्रियताको रक्षा हुन्छ ? के तपाई एकजनालाई पदमा राखिरहन हामिले करोडौं नेपालीलाई कोरोनाको जोखिममा राख्न जायज हुन्छ ।

यदि तपाईंलाई विदेशीले पदबाट हटाउन षडयन्त्र गरेकै हो भने पनि तपाईंले ती षडयन्त्रलाई गोप्य राख्नु पर्दथ्यो र त्यसको काउण्टर राज्यका सरचनाहरुले गर्नुपर्दथ्यो । षडयन्त्रहरु सार्वजनिक गर्ने कुरा होइनन् । नीतिले त्यहीँ भन्छ । विदेशीको खुफिया षडयन्त्रविरुद्ध लड्ने कार्यमा यस महामारीको बेला भिडलाई खटाउने कार्यले फेरि तपाईंमाथि प्रश्न चिन्ह खडा गर्दछ ।

यस कृत्यले यस अनुमानलाई बल पु¥याउँछ की तपाईंले आफ्नो पद जोगाउन सोझा साझा निमुखा जनतालाई राष्ट्रवादको प्रयोग गरी महामारीको जोखिममा पार्दैहुनुहुन्छ ।

मेरो सुझावलाई यो छ कि राष्ट्रियता जोगाउनु होस्, हाम्रो मिचिएको भूमि यथाशीघ्र फिर्ता ल्याउनुहोस् तर साथसाथै आम जनताको दैनिक जिवनयापनका समस्याहरु पनि बुझिदिनुस् । महामारीले थलिएको जनताको रोग र भोकको निवारणको सट्टा उनीहरुलाई जोखिम राखेर आफ्नो पद जोगाउन दुरुपयोग गर्नु तपाईँका आदर्श वाक्य ‘सुखी नेपाली समृद्ध नेपाल’ अनुरुप पक्कै पनि छैन ।

तपाईंले बारम्बार प्रयोग गर्ने राजनीतिक शब्द जस्तै – राष्ट्रियता, भारत, षड्यन्त्र, मेरो सरकार, सार्वभौमिकता, इत्यादि सबै जनताको खपतको लागि हुनुहुदैन । अहिले जनतालाई सुख दिने कार्य गर्नुस र राष्ट्रियतको रक्षा गर्ने कार्य अनि षडयन्त्रलाई चिर्ने कार्य गर्न राज्यका संरचनाहरुलाई खटाउनु होस् । विदेशीको विरुद्धका जनतालाई उचालेर राष्ट्रको हित हुदैन भन्ने कुरा तपाईले बुझिदिनुपर्छ । तर विडम्बनाको तपाई कुरा विदेशीको विरुद्ध आम जनताको परिचालन आफुले जोगाउने रणनीति जस्तै मात्र लाग्न थालेको छ ।

कृष्ण बहादुर मगर,

रुकुम हाल मलेसिया