अर्थ बैंकिङ

सेञ्चुरी बैंकले ३ प्रतिशत अन्तरिम लाभांश बाँड्दै

सेञ्चुरी बैंकले ३ प्रतिशत अन्तरिम लाभांश बाँड्दै

काठमाडौं – सेञ्चुरी बैंक लिमिटेडले ३ प्रतिशत अन्तरिम लाभांश वितरण गर्न शुरू गरेकाे छ । बैंकले हाल कायम चुक्ता पूँजीको ३ प्रतिशत अर्थात २५ करोड २४ लाख रुपैयाँबाट कर कट्टी गरी बाँकी रहने २३ करोड ९८ लाख रुपैयाँ लाभांश वितरण गर्न शुरू गरेकाे हाे ।

विश्वभर फैलिरहेकाे काेराेना भाइरसका कारण बैंककाे साधारणसभा स्थगित भएपछि बैंककाे सञ्चालक समितिकाे बैठकले आर्थिक वर्ष २०७५/०७६ को नाफाबाट शेयरधनीलाई ३% लाभांश दिने घाेषणा गरेकाे हाे ।

यो लाभांश फागुन ३० गतेसम्म कायम रहेका शेयरधनीले मात्र पाउनेछन् । त्यसैगरी, कम्पनीले हालसम्म पनि हितग्राही खातामा बैंक खाता अद्यावधिक नगराएका शेयरधनीहरुलाई शिघ्र शेयर अभौतिकिकरण गराई हितग्राही खाता र बैंक खाताको विवरण बुझाउन आग्रह गरेको छ ।