खेल

टी–२० विश्वकपः इतिहास रच्दै भारतीय टिम पहिलो पटक फाइनलमा

टी–२० विश्वकपः इतिहास रच्दै भारतीय टिम पहिलो पटक फाइनलमा

काठमाडौंः भारतीय क्रिकेट टिम अष्ट्रेलियामा जारी आइसीसी महिला टी–२० विश्वकपको फाइनलमा प्रवेश गरेको छ । भारत सेमिफाइनल म्याच नखेल्दै फाइनलमा प्रवेश गरेको हो ।

उसले आज फाइनल प्रवेशका लागि इंग्ल्याण्डसँग म्याच खेल्नुपर्ने थियो । तर वर्षाका कारण खेल रद्द भएपछि भारत लिग चरणमा सबै म्याच जितेको आधारमा फाइनलमा प्रवेश गरेकाे हाे ।

समूह ‘ए’मा रहेको इंग्ल्याण्डले लिग चरणमा ४ म्याच खेल्दा तीन खेलमा जित हासिल गरेको थियो । समूह ‘ए’बाट खेलेको भारतले भने चारैै म्याचमा जित दर्ता गरेकाे थियो । तालिकामा भारतको ८ र इंग्ल्याण्डको ६ अंक थियो ।

भारतीय टीम पहिलो पटक महिला विश्वकपको फाइनलमा स्थान बनाउन सकेको हो । भारतीय टीमले २००९ देखि २०१८ सम्म ६ पटक टी–२० महिला विश्वकपमा भाग लिएको थिययो । तर एक पटक पनि उसले फाइनलमा स्थान बनाउन सकेको थिएन ।

भारतीय महिला टिमले टी–२० विश्वकपको सेमिफाइनलमा तीन पटक स्थान बनाउन सके पनि जित हासिल गर्न सकेको थिएन । तर, यो पटक इतिहास रच्दै फाइनलमा स्थान बनाउन सफल भयो ।

अब भारतले फाइनलमा दोस्रो सेमिफाइनलको विजेता टीमसँग उपाधिका लागि खेल्ने छ । दोस्रो सेमिफाइनलमा आज नै अष्ट्रेलिया र दक्षिण अफ्रिका खेल्दै छन् ।

महिला टी–२० विश्वकप भारतीय महिला क्रिकेट टिम