समाचार खेल

तेक्वान्दोको सम्पूर्ण गतिविधि चैत २२ सम्म बन्द

तेक्वान्दोको सम्पूर्ण गतिविधि चैत २२ सम्म बन्द

 नेपाल तेक्वान्दो संघले आगामी चैत २२ गतेसम्म तेक्वान्दोको सम्पूर्ण गतिविधि बन्द गरेको छ ।

संघले आइतबार एक सूचना जारी गर्दै कोराना भाईरसलाई मध्येनजर गर्दै संघको केन्द्रिय, प्रदेश र जिल्लाको कार्यालयसहित डोजाङको प्रशिक्षण चैत २२ गतेसम्मको लागि बन्द गरिएको जनाएको छ ।

सरकारले कोरोना संक्रमणको कारण देखाउदै अत्यावश्यक सेवाबाहेकका सम्पूर्ण कार्यालयहरु बन्द गर्न निर्देशन दिएसँगै संघले पनि कार्यालयहरु बन्द गरेको हो ।

कोरोनाको जोखिमलाई मध्ये नजर गर्दै यस अघि राष्ट्रिय खेलकुद परिषद (राखेप) ले गत साता सम्पूर्ण खेलकुद गतिविधि बन्द गर्न निर्देशन दिएको थियो ।

कोरोनाको कारण नेपालसहित विश्वमा खेलकुद गतिविधि ठप्प रहेको छ ।