विदेश

कोरोना भाइरसबाट अमेरिकामा पनि मानवीय क्षति, वासिङ्टनमा आपतकाल घोषणा

कोरोना भाइरसबाट अमेरिकामा पनि मानवीय क्षति, वासिङ्टनमा आपतकाल घोषणा

एजेन्सीः अमेरिकाले कोरोना (कोभिड १९) भाइरस संक्रमणका कारण आफ्नो भूमिमा पहिलोपटक मानिसको मृत्यु भएको बताएको छ । 

वासिङ्गटन राज्यमा स्वास्थ्य समस्या खेपिरहेका ५० बर्षीय एक पुरुषको मृत्यु भएको त्यहाँका अधिकारीहरुले जानकारी दिएका हुन् । चीनको उहानबाट फैलिएको कोरोनाले मानिसको ज्यान लिएपछि सो राज्यका गभर्नरले आपत्तकालिन स्थितिको घोषणा गरेका छन् । 

अमेरिकी राष्ट्रपति ट्रम्पले कोरोनाको सम्भावित खतरासँग लड्न आफूहरु तयार रहेको दाबी गरेका छन् । शुरुमा चीनबाट शुरु भएको कोरोना संक्रमण यतिखेर विश्वका ६० भन्दा धेरै देशमा फैलिइसकेको छ । 

बीबीसीका अनुसार अमेरिकाले इटली र दक्षिण कोरियासँगको यात्रामा पनि कडाइ गरेको छ । यसअघि पनि कोरोना संक्रमण फैलने डरले अमेरिकाले चीन र इरानसँगको यात्रामा कडाइ गरेको थियो । 

कोरोनाका कारण अहिलेसम्म झण्डै तीन हजार मानिसको ज्यान गइसकेको छ भने ८६ हजार भन्दा बढी मानिसहरु संक्रमित भएका छन् ।

कोरोना भाइरस अमेरिका