समाचार Breaking News मुख्य समाचार ताजा खबर समाज देश राजनीति

हिन्दु सन्तहरूको सुरक्षा दिन नसकेको भन्दै ओलीको राजीनामा माग

काठमाडाैँ । नवलपरासीमा हत्या गरिएका सन्तको हत्यारालाई कारबाहीको माग गर्दै राष्ट्रिय एकता अभियानले प्रदर्शन गरेकाे छ।

अभियानले शनिबार दिउँसाे काठमाडाैँकाे माइतीघर मण्डलामा सरकारविरूद्द प्रदर्शन गरेकाे हाे।

कार्तिक ९ गते नवलपरासी पश्चिमको सुस्ता गाउँपालिका वडा नं. ४ नर्सही, पश्चिम डाडी स्थिति हनुमान मन्दिरका पूज्य सन्त श्री महगु केवटको हत्या गरिएको थियो ।

अभियानका संयाेजक विनय यादवले भने , ‘नेपालमा साधुसन्त समेत सुरक्षित नरहनु दुर्भाग्यपूर्ण हो । सम्पूर्ण हिन्दू धर्मावलम्बीहरूको आस्थासँग जोडिएको साधु–सन्तहरुको सृंखलाबद्ध हत्या एवं साधु–सन्तमाथि सांघातिक आक्रमणले सम्पूर्ण सनातन समाज मर्माहीत तथा आक्रोशित भएको छ । उक्त अमानवीय घटनाको अभियानले कडा शब्दमा निन्दा गर्दछ । हत्यामा संलग्न अपराधीलाई यथाशीघ्र कानुनी दायरामा ल्याई सार्वजनिक गरी कारवाही गरियोस् साथै मृतक सन्तलाई सहिद घोषणा गर्दै सन्तसमाजको सुरक्षा–व्यवस्था मिलाउन सरकार समक्ष अभियानले माग गर्दछ ।’