हाम्रो पात्रो विज्ञापन
खेल

इपीएलः आयरल्याण्डका क्रिकेटर केभिन काठमाडौंमा अनुबन्ध

इपीएलः आयरल्याण्डका क्रिकेटर केभिन काठमाडौंमा अनुबन्ध

काठमाडौंः आयरल्याण्डका विस्फोटक ब्याट्सम्यान केभिन ओब्रायनले काठमाडौं किंग्सको टिमबाट आसन्न एभरेष्ट प्रिमियर लिग (इपीएल) खेल्ने भएका छन् । काठमाडौंले उनलाई अलराउण्डरका रुपमा टिममा अनुबन्ध गरेको हो । केभिन लगातार दोस्रो सिजनमा काठमाडौंबाट खेल्न लागेका हुन् ।  

अघिल्लो सिजनमा उनले सात म्याचमा १ सय ८४ रन बनाएका थिए । जसमा उनको एक अर्धशतक सामेल थियो । गत सिज इपीएलमा उनको सर्वाधिक स्कोर ५४ रन थियो । यसका साथै बलिङमा पनि उनले ७ खेलमा ९ विकेट हासिल गरेका थिए ।   

आयरल्याण्डका स्टार क्रिकेटर केभिनले तीन टेष्टमा २५८ रन बनाएका छन् भने एक सय ४२ एकदिवसिय खेलमा ३ हजार ४ सय ९० रन जोडेका छन् । यस्तै टी–२० मा उनले ८९ खेलमा १४ सय ८७ रन बनाएको छ ।

बलिङमा टी–२० क्रिकेटमा उनले ५८ विकेट लिएका छन् । टी–२० मा केभिनको बेस्ट स्कोर १२४ रन हो । २ दिनअघि वेष्ट इन्डिजसँग भएको टी–२० सिरिजमा उनले ३२ बलमा ४८ रन बनाएका थिए । जुन खेलमा आयरल्याण्ड ४ रनले विजयी भएको थियो । 

एभरेष्ट प्रिमियर लिग केभिन ओब्रायन