कभर स्टोरी

हङकङमा ‘ट्रम्प आऊ, हङकङ बचाऊ’ को नारा 

हङकङमा ‘ट्रम्प आऊ, हङकङ बचाऊ’ को नारा 

काठमाडौं । चीनको स्वायत्त क्षेत्र हङकङमा ‘ट्रम्प आऊ, हङकङ बचाऊ’को नारा लागेको छ । तीन महिनादेखि हङकङमा सरकारविरोधी आन्दोलन चर्किएको छ । हङकङको विवादास्दप सुपुर्दगी विधेयक फिर्ता लिने त्यहाँकी प्रमुख कार्यकारी क्यारी ल्यामले घोषणा गरे पनि आन्दोलन रोएिको छैन । 

प्रदर्शनकारीहरुले आइतबार हङकङस्थिति अमेरिकी दूतावासमा गएर एक ज्ञापन पत्र बुझाएका छन् । ज्ञापन पत्र बुझाउने जुलुशमा प्रदर्शनकारीहरुले अमेरिकाको झण्डा बोकेका थिए  । उनीहरुले ‘राष्ट्रपति डोनल्ड ट्रम्प, हङकङलाई स्वतन्त्र बनाऊ’ लेखेको प्लेकार्डहरु बोकेका थिए । 

प्रदर्शनकारीहरुले अमेरिकी दूतावासमार्फत अमेरिकी संसदले हङकङ मानवअधिकार र लोकतन्त्र ऐन पारित गर्न आग्रह गर्दै यस्तो ज्ञापन पत्र बुझाएको उल्लेख गरेका छन् । 

आइतबारको प्रदर्शन हेर्दा चीनको स्वायत्त क्षेत्रमा हङकङबासीले खुला रुपमा अमेरिकालाई हस्तक्षेप गर्न निम्तो दिए जस्तो देख्न्थ्यिो ।  

हङकङमा अपराध गरेका दोषीलाई मुख्य भूमि चीनमा सुपुर्दगी गर्ने प्रावधानसहितको विधेयक हङकङको संसदमा दर्ता भएपछि जनताहरु आन्दोलनमा उत्रिएका थिए । 

यो विधेयक खारेजको घोषणा गरिए पनि प्रदर्शनकारीहरु पूर्णरुपमा आश्वस्त हुन सकेका छैनन् । 

मुख्य भूमि चीनमा भन्दा हङकङमा नागरिक स्वतन्त्रता बढी छ । चीनमा झै स्वतन्त्रता हनन् हुने हो कि भन्ने चिन्ता प्रदर्शनकारीहरुमा देखिएको छ । 

सुपुर्दगी विधेयक खारेजी बाहेक प्रदर्शनकारीहरुले प्रदर्शनका बेला भएको ज्यादतिको स्वतन्त्र छानविन, प्रदर्शनकारीलाई आममाफी, दंगा शब्द फिर्ता, निर्वाचन अधिकारको माग राखेका छन् । पछिल्ला चार माग पूरा गर्न नसकिने हङकङ सरकारले स्पष्ट पारेको छ । 

प्रदर्शनकारीहरुले भने हङकङलाई स्वतन्त्र बनाउने चेतावनी दिएका छन् । 
 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।