विदेश

तालिवान विद्रोहीसँगको सम्झौता रद्ध

तालिवान विद्रोहीसँगको सम्झौता रद्ध

एजेन्सी । अमेरिकी राष्ट्रपति डोनाल्ड ट्रम्पले तालिवान विद्रोहीसँगको शान्ति सम्झौता रद्द गरेको बताएका छन् । तालिवान समूहले अफगानिस्तानको काबुलमा गरेको आक्रमणमा अमेरिकी सैनिक लगायत १२ जनाको मृत्यु भएपछि ट्रम्पले शान्ति सम्झौता रद्द गरिएको घोषणा गरेका हुन् ।

उनले तालिवानी नेतासँग क्याम्प डेभिडमा हुन लागेको भेटवार्ता समेत स्थगित गरेका छन् । कतारमा अमेरिका र तालिवानी प्रतिनिधिविच विभिन्न नौ चरणमा भएको वार्तामा तालिवानले अमेरिका र उसका सहयोगीलाई आक्रमण नगर्ने सहमति गरेको थियो ।

त्यसको केही दिनमै काबुलमा आक्रमण भएपछि अमेरिका सहमतिवाट पछि हटेको हो । गत सोमबारमात्रै तालिवान र अमेरिकाविच शान्ति सम्झौता भएको विषय सार्वजनिक भएको थियो । सम्झौतामा अमेरिकाले बीस हप्तामा पाँच हजार चार सय सैनिक अफगानिस्तानवाट फिर्ता गर्ने उल्लेख थियो ।

त्यसलाई ट्रम्पले अनुमोदन गर्न भने बाँकी रहेको थियो । तालिवालले अफगाननिस्तानको सरकारलाई अमेरिकाको कठपुतलीभन्दै वार्ता गर्न अस्वीकार गर्दै आएका छन् । 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।