विदेश

रूस र युक्रेनबीच ७० कैदीबन्दी आदानप्रदान, अमेरिका, जर्मनी र फ्रान्सद्वारा प्रशंसा

रूस र युक्रेनबीच ७० कैदीबन्दी आदानप्रदान, अमेरिका, जर्मनी र फ्रान्सद्वारा प्रशंसा

किभ : रूस र युक्रेनबीच कैदीबन्दी आदानप्रदान गर्ने महत्वपूर्ण सहमतिपछि उनीहरूलाई स्वदेश फिर्ता गर्ने प्रक्रियाअन्तर्गत ७० कैदीहरूलाई रूसको राजधानी मस्को र युक्रेनको राजधानी किभस्थित विमानस्थलमा शनिबार अवतरण गराइएको छ।

युक्रेनी ३५ कैदीबन्दीलाई लिएर गएको रूसको विमानलाई युक्रेनी विमानस्थलमा ओरालिएको थियो भने त्यति नै रूसी कैदीलाई लिएर गएको विमान रूसको राजधानी मस्कोमा अवतरण गरी कैदीहरूलाई सम्बन्धित देशका अधिकारीको उपस्थितिमा आदानप्रदान गरिएको थियो।

दुबै देशका कैदी विमानस्थलमा झरेको दृष्यलाई त्यहाँका टेलिभिजनले प्रत्यक्ष देखाएका थिए। यसैबीच, कैदीहरूको आदानप्रदान गर्ने रूस र युक्रेनको निर्णयलाई अमेरिका, जर्मनी र फ्रान्सले प्रशंसा गरेका छन्।

जर्मन चान्सलर एन्जेला मर्केलले उक्त घटनालाई ‘आशाको सङ्केत’का रूपमा उल्लेख गरेकी छिन्। उनले सन् २०१५ मा पेरिस र बर्लिनमा भएका युद्धविराम सम्झौतालाई पूर्ण कार्यान्वयनमा लान आग्रह गरेकी छिन्।

उनले भनिन्, 'रूस र युक्रेनबीच कैदीबन्दी आदानप्रदानको कार्यले आशाको सङ्केत गरेको र उनीहरूले मिन्स्क सम्झौतालाई कार्यान्वयनमा लान कडा गृहकार्य गर्नेछन्।'

त्यस्तै, फ्रान्सले शनिबार भएको कैदीबन्दी हस्तान्तरणले शान्तिको बाटो खुला गरेको बताएको छ। फ्रान्सका विदेशमन्त्री जाँ यभेस ले ड्रेनले एक विज्ञप्ति जारी गर्दै भनेका छन्, 'यो रूस र युक्रेनी अधिकारीको वार्ताका लागि व्यक्त इच्छाशक्ति हो। उनीहरूले छिट्टै नयाँ तथा ठोस प्रगतिको उचाइ लिउन्।'

युक्रेनका लागि अमेरिकी विशेष दूत कुर्त भोकरले भने, 'कैदीहरूको आदानप्रदानले ती मुलुकहरूमा शान्तिको आशा पलाएको छ। यसले थप बन्दीहरूको रिहाइको आशा, नयाँ युद्धविराम र मिन्स्क सम्झौताको पूर्ण कार्यान्वयन हुनेतर्फ आशावादी बन्न सकिन्छ।'

रूस र युक्रेन
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।