राजनीति

मन्त्रिमण्डल हेरफेर र विस्तारको कुरा मलाई नसोध्नु न प्लिज : प्रचण्ड

मन्त्रिमण्डल हेरफेर र विस्तारको कुरा मलाई नसोध्नु न प्लिज : प्रचण्ड

विराटनगर : पूर्वप्रधानमन्त्री एवं नेकपाका अध्यक्ष पुष्पकमल दाहाल ‘प्रचण्ड’ले मन्त्रिमण्डल हेरफेर र विस्तार गर्ने क्षेत्राधिकार प्रधानमन्त्रीसँग रहेको बताएका छन् । विराटनगर विमानस्थलमा आइतबार पत्रकारसँग कुराकानी गर्दै मन्त्रिमण्डल हेरफेर र विस्तारको कुरा मलाई नसोध्नु न प्लिज भन्दै अध्यक्ष प्रचण्डले प्रधानमन्त्रीलाई आवश्यक पर्दा  गर्नुहुनेछ, भने ।

उनले संविधान र राज्यप्रणालीको विषयमा कुनै खतरा नरहेको बताएका छन् । अध्यक्ष प्रचण्डले परिवर्तन उल्ट्याउने गतिविधिका कारण राज्य प्रणाली खतरामा नरहेको बताएका हुन् । ‘केही अराजक गतिविधि देखिएका हुन्, त्यसलाई प्रतिवाद गर्न सबै राजनीतिक दलहरु एकतावद्ध हुन तयार छौं’, अध्यक्ष प्रचण्डले भने - ‘अस्ती भर्खरै आयोजित सर्वदलीय बैठकमा अराजक गतिविधिप्रति सचेत रहने विषयमा छलफल भएको छ ।’

उनले संविधान र राज्य प्रणालीलाई दोष देखाएर अराजक गतिविधि गर्नेहरुलाई राजनीतिक र साँस्कृतिक बहसबाट परास्त गरिने बताए । सरकार र सबै राजनीतिक दलहरु सचेत रहँदै संघीय लोकतान्त्रिक गणतन्त्रको रक्षा गर्ने उनले बताए । सरकार भ्रष्टाचार नियन्त्रणमा कठोर बन्दै गएको बताउँदै अध्यक्ष प्रचण्डले विकास र सुशासन कायम हुनेमा विश्वास व्यक्त गरे ।

पार्टी भित्रै सरकारको कामको समीक्षा भईरहेको बताउँदै अध्यक्ष प्रचण्डले सरकारले काम नै नगरेको भन्ने विषय प्रचारबाजी मात्रै स्पष्ट पारे । ‘गतवर्ष केही मौलिक हकसँग सम्बन्धित कानुनहरु बनेका छन्, विकासका योजनाहरुले तिव्रता पाएका छन्’ अध्यक्ष प्रचण्डले भने 'तेलको पाइपलाइन शुभारम्भ गरिनु यो सानोतिनो विषय मात्रै हैन ।’

पुष्पकमल दाहाल ‘प्रचण्ड’

विशेष

ADVERTISEMENT