समाचार

बसको ठक्करबाट युवकको मृत्यु

बसको ठक्करबाट युवकको मृत्यु

तनहुँ - पृथ्वीराजमार्गअन्तर्गत आज बसको ठक्करबाट एक युवकको मृत्यु भएको छ । तनहुँको आँबुखैरेनीमा भन्ने स्थानमा गोरखा शहीद लखन गाउँपालिका–२ घर भई आँबुखैरेनी गाउँपालिका–३ बस्ने २८ वर्षीय यमबहादुर थापाकाे ज्यान गएकाे जिल्ला प्रहरी कार्यालय तनहुँले जनाएको छ ।

पोखराबाट मुग्लिङतर्फ जाँदै गरेको लु१ख ८००२ नं को बसले विपरीत दिशाबाट आउँदै गरेको बा९९प १४७३ नंको मोटरसाइकललाई आँबुखैरेनी गाउँपालिका–३ बजार क्षेत्रमा ठक्कर दिँदा थापाको मृत्यु भएको इलाका प्रहरी कार्यालय आँबुखैरेनीका प्रहरी निरीक्षक महेशराज पाठकले जानकारी दिए ।

उनका अनुसार बसको ठक्करबाट घाइते थापाको स्थानीय छिम्केश्वरी अस्पतालमा उपचारका क्रममा मृत्यु भएको हो । ठक्कर दिने बस र चालक प्रहरी नियन्त्रणमा छन् ।

विशेष