अर्थ

व्यवसायीलाई समस्या पारेर सरकार चल्दैन : अर्थमन्त्री

व्यवसायीलाई समस्या पारेर सरकार चल्दैन : अर्थमन्त्री

काठमाडौँ । अर्थमन्त्री डा. युवराज खतिवडाले व्यवसायीहरुलाई अप्ठ्यारोमा पारेर सरकार चल्न नसक्ने बताएका छन् । शुक्रवार काठमाडौँमा नेपाल चेम्बर अफ कमर्शले गरेको ‘नेपालको अर्थतन्त्रका विद्यामान चुनौती तथा अवसर विषयक कार्यक्रममा अर्थमन्त्री खतिवडाले राजश्व संकलनका नाममा सरकारले उद्योगी व्यवसायीलाई समस्यामा नपार्ने बताए ।

बदनियतपूर्ण कर छली गर्ने कसैलाई नछाडिने भन्दै खतिवडाले राजश्व छलिका घटनामा हुने जेल सजायलाई कम गर्न सकिने उल्लेख गरे । संसारभर ठूला कर छलीमा संलग्न राष्ट्रपति, प्रधानमन्त्री, कलाकार र खेलाडीलाई समेत जेल हालेर सुशासनमैत्री बनाइएको खतिवडाको भनाई छ ।

अर्थमन्त्री खतिवडाले एक हजार भन्दा बढी भुक्तानीमा स्थायी लेखा नम्बर (प्यान) अनिवार्य गरिएको विषयमा आवश्यक संशोधनका लागि छलफल अघि बढेको जानकारी दिए । उनले कर्जा प्रवाह गरिसकेपछि पटक पटक ब्याज बढाउने बैंकर्स प्रति आक्रोश व्यक्त गरेका छन् ।

अटो कर्जामा लिएको लोन एक वर्षमा थप १० प्रतिशतबाट १५ प्रतिशत पु-याएको गुनासो आएपछि अर्थमन्त्रीले आक्रोस व्यक्त गरेका हुन् । उनले यस विषयमा सचेत हुन बैंकहरूलाई निर्देशन पनि दिएका छन् । 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।