स्वास्थ्य

प्रसुती र शिशु सुरक्षा सरकारको प्राथमिकता : स्वास्थ्यमन्त्री यादव

प्रसुती र शिशु सुरक्षा सरकारको प्राथमिकता : स्वास्थ्यमन्त्री यादव


काठमाडौँ । उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादवले सुत्केरी हुन नसकी अकालमा कुनै आमा तथा नवजात शिशुको मृत्यु हुन नदिन सरकारले उच्च प्राथमिता दिएको बताएका छन् ।
‘स्वास्थ्य सबै संयन्त्रको पहिलो प्राथमिकता मातृ तथा नवशिशु मृत्युदरमा उल्लेखनीय सुधार ल्याउने भन्ने छ, आमा सुरक्षा कार्यक्रम सबै आमालाई प्रसूति सेवाको पहुँचको सुनिश्चितता सरकारले गरेको छ,’ उनले भने । सेवाको गुणस्तरीय पुहँच पुग्न नसकेका स्थानबाट सरकारले गर्भवतीरसुत्केरी आमालाई हवाई उद्धारको व्यवस्था मिलाएको छ ।

हालसम्म ३२  महिलाको उद्धार गरिएको छ । प्रजनन् सेवा र शिक्षाको केन्द्रीय अस्पताल परोपकार प्रसूति तथा स्त्रीरोग अस्पतालको ६०औं वार्षिकोत्सवका अवरमा आज आयोजित कार्यक्रमलाई सम्बोधन गर्दै उनले ग्रामीण तथा दुर्गम क्षेत्रमा रहेका स्वास्थ्य संस्थालाई जनशक्ति, उपकरण तथा भौतिक पूर्वाधारमा बलियो बनाइने बताए ।

सुरक्षित मातृत्व तथा प्रजनन स्वास्थ्य ऐन कार्यान्वयन गर्न नियमावली तयार भएको जानकारी दिँदै उनले प्रजनन सेवा र शिक्षाको केन्द्रीय अस्पतालका रुपमा रहेको परोपकार प्रसूति तथा स्त्रीरोग अस्पताललाई थप सहयोग गरिने आवश्वासनसमेत दिए ।


उनले स्त्रीरोग विषयमा स्नातकोत्तर तहमा सर्वोत्कृष्ट अङ्क ल्याउने चिकित्सक रक्षा पराजुलीलाई पदक तथा अस्पतालमा लामो समय कार्यरत चिकित्सक र नर्सलाई सम्मान गरेका थिए ।
स्वास्थ्य सेवा विभागका महानिर्देशक डा सुशीलनाथ प्याकुरेलले अस्पतालका शैय्या थप गर्नुभन्दा शहरी क्षेत्रमा अस्पतालले आफ्ना सेवा विस्तार गर्न आवश्यक रहेको सुझाव दिए ।


चिकित्सक विज्ञान राष्ट्रिय प्रतिष्ठान (न्याम्स)का उपकुलपति प्राडा डिएन साहले न्याम्स र अस्पताल बीचको सहकार्यमा आगामी दिनमा स्त्रीरोग सेवा र शिक्षाको विस्तार गर्न आवश्यक रहेकामा जोड दिए ।

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।