मनोरञ्जन

हमजाएगा उखान– ‘ओरालो लागेको धोवीलाई साबुनले पनि खेद्छ’ 

हमजाएगा उखान– ‘ओरालो लागेको धोवीलाई साबुनले पनि खेद्छ’ 

दार्जिलिङका हमजाएगाको प्रभाव नेपालमा पनि प्रशस्त छ । उनका जोकले नेपाली समाजमा छुट्टै छाप छोडेको छ । अहिले उनी यस लोकमा त छैनन, तर उनको हाँस्यरसको ख्याती हराएको छैन् । पेशाले उनी ट्याक्सी चालक थिए । उसबेला हम जाएगाको ट्याक्सी चढ्न मारामार चल्थ्यो । जब अरु ट्याक्सी चालक कतै जान ईन्कार गर्थे, उनी तत्पर हुँदै भन्थे– ‘हम जाएगा ।’ यही तत्परताले नै जीवनमा नयाँ विशेषण पाउन सफल भए । हम जाएगाको हास्यक्षमता कति थियो भन्ने जानकारी गराउन उनले परिमार्जित गरेका केही उखान यहाँ प्रस्तुत छ । 

बाँदरको पुच्छर, टाई न इँजार ।

एक थुकी सुकी, सय थुकी टीबी ।

कलेज पढ्ने केटाकेटी घर न घाटको ।

तरुनी हुँदा सयवटा पोइ, मर्ने बेलामा कोही न कोही ।

सातो हराएकी सासु , बुहारी हिँड्दा तर्सिन्छे ।

के निहुँ पाउँ, कान्छी स्वास्नी ल्याउँ ।

एक दर्जन छोराछोरी, सिन्दुर लाउन लाज । 

विहे गर्नु कहिले कहिले, नानी पाउँछन् पहिले ।

दिनभरि बाउन, रातभरि डाउन ।

नेताको कुरा १२ वर्ष सुनेपनि झूटै । 

जुन लोग्नेको तरुनी स्वास्नी, उसको मुटु ढुकढुक ।

रुप विगार्ने गाँड, मान्छे विगार्ने राँड ।

अभागी बाथरुम पस्यो, बाथरुममा सर्प पस्यो ।

घाँटी हेरेर हाइनेक किन्नु । 

एकपल्ट टपहिल खाको केटो, जुत्ता पसल देख्दा तर्सिन्छ ।

ओरालो लागेको धोवीलाई साबुनले पनि खेद्छ । 

सबै केटीले कपाल काटे, रिबन कसले बाँध्ला ?

           

हमजाएगा हाँस्यरस