स्वास्थ्य

गर्भावस्थामा यसकारण दुख्छ पेट 

गर्भावस्थामा यसकारण दुख्छ पेट 


काठमाडौं । गर्भावस्था संवेदनशील अवस्था हो । गर्भावस्थामा महिलामा थुप्रै परिवर्तन देखापर्छन् । खासगरी शरीरका अंगमा लचिलोपन आउने भएकाले पनि शारीरिक परिवर्तन देखापरेका हुन् । सामान्यतया समय बित्दै जाँदा गर्भको आकार पनि बढ्दै जाने गर्छ । जसका कारण पेटबाहेक अन्य अंग, मांसपेशी, आन्द्रा आदिमा भार पर्ने हुदाँ पेट दुख्ने गर्छ । गर्भावस्थामा पेट दुख्नु सामान्य हो । तर, अत्यधिक दुख्नु, बारम्बार दुख्नु र पेट दुखाइसँगै अन्य स्वास्थ्य समस्या देखापरेमा भने चिकित्सकको सल्लाह लिनुपर्ने हुन्छ । अब जानौँ, गर्भावस्थामा पेट दुख्नुका कारणबारेः

 

कारण 
गर्भ डिम्बवाहिनी नलीमा गएर बसेमा तल्लो पेट दुख्ने गर्छ । जसले गर्दा कतिपयमा रक्रश्राव हुने र रोकिने हुन्छ । त्यस्तै, सुरुको अवस्थामा भ्रूण पाठेघरको पर्खालमा गएर बस्छ । जसका कारण समेत कतिपयमा पेट दुख्छ । जसलाई मेडिकल भाषामा ‘इम्प्लान्टेसन’ भनिन्छ ।


गर्भ रहेको ६ महिना वा अन्यतिर रगत बग्ने र रोकिने हुन्छ । यो अवस्थामा कतिपयमा नाल पाठेघरको घेराबाट खस्किन सक्छ । जसले गर्दा पीडा महसुस हुन्छ । 


 
कब्जियतको समस्या भएमा समेत पेट दुख्ने समस्या हुन्छ । कहिलेकाहीँ पाठेघरको दबाब आन्द्रामा पर्ने भएकाले कब्जियत हुन सक्छ । यसका लागि प्रशस्त पानी पिउनुका साथै खानपानमा ध्यान दिनुपर्छ । 

 

प्रसूति हुनुभन्दा अघि पेटमा अत्यधिक दुखाइ हुन्छ । छोटो समयमा यस्तो धेरैपटक हुन्छ । साथै, योनीबाट पानी र रगत बग्ने भएकाले निकै पीडादायक हुन्छ । 

 

अत्यधिक पेट दुखेमा चिकित्सकको सल्लाह लिनुपर्ने हुन्छ । कतिपयमा अत्यधिक रगत बग्दा समस्या हुने भएकाले स्वास्थ्यप्रति सचेत रहन जरुरी छ । यो जानकारी आजको नयाँ पत्रिका दैनिकमा परोपकार प्रसूतिगृह, थापाथलीमा कार्यरत प्रसूति तथा स्त्रीरोग विशेषज्ञ  प्रा.डा. गेहनाथ बरालले लेखेका हुन् ।  

पेट गर्भावस्था
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।