स्वास्थ्य

किन हुन्छ कब्जियत? जान्नुहोस् कारण र उपाय

किन हुन्छ कब्जियत? जान्नुहोस् कारण र उपाय

काठमाडौं । खाएको खाना नपच्नु वा अपच हुनुलाई कब्जियत भएको भनिन्छ । अर्थात्, खाएको खाना पचेर दिसा नभई शरीरमा फोहाेर जम्मा हुनु कब्जियत हो । दिसा कडा हुनु, ३ देखि ४ दिनसम्म नहुनु र गर्न गाह्रो हुनु पनि कब्जियत हो । कब्जियत स्थायी र अस्थायी गरी दुई प्रकारका हुन्छन् । स्थायी कब्जियत भएमा निको पार्न एकदमै गाह्रो हुन्छ । जुन विभिन्न रोगको कारक तत्वसमेत हो । जसका लागि सम्बन्धित चिकित्सकसँग सल्लाह नै लिनुपर्ने हुन्छ । तर, खानपान र जीवनशैलीमा परिवर्तन गर्न सकेमा अस्थायी कब्जियत आफैँ निको हुन्छ । 

 

कारण
अनियमित खानपान, शारीरिक व्ययामको कमी, खानेकुरा नपच्नु, औषधिको अत्यधिक सेवन, पानी कम पिउनु, अमिलो–पिरो, फस्टफुड र ड्राईफुडको सेवन आदि कब्जियतका मुख्य कारण हुन् ।
 अस्वस्थ जीवनशैली, तनावयुक्त दैनिकी, अपर्याप्त निद्रा, धूम्रपान, मद्यपान र कोल्डड्रिंक्स सेवन तथा लामो समयसम्म एउटै ठाउँमा बसेर काम गर्नुजस्ता कारणले कब्जियत हुन्छ । 

 

लक्षण
दिनहुँ दिसा नहुनु, कडा हुनु वा बारम्बार भइरहनु कब्जियतको मुख्य लक्षण हो । कब्जियत भएमा भोक नलाग्ने, पेट फुल्ने, भारी हुने, आलस्य हुने र अनिद्राजस्ता समस्या देखिन्छन् । लामो समयसम्म दिसा नभएमा टाउको दुख्ने, वाकवाक लाग्ने, छाती वा घाँटी पोल्ने हुन्छ  ।  

 

बच्ने उपाय 
सामान्य औषधोपचार, व्यायाम र स्वस्थ जीवनशैली अपनाउन सकेमा सजिलै कब्जियत निको पार्न सकिन्छ । खानपानमा ध्यान दिनुपर्छ । नियमित व्यायाम गर्नुपर्छ । कब्जियत हटाउनेबारे दिइएका कतिपय विज्ञापनमा विभिन्न चुर्णको प्रयोगबारे बताइएको हुन्छ । यस्ता अखाद्य वस्तुको सेवनले अन्य साइड इफेक्ट हुन सक्ने भएकाले चिकित्सकको सल्लाहविना कुनै पनि औषधि सेवन गर्नुहुँदैन । 

 

लामो समयसम्म कब्जियत भएमा पाइल्सको समस्या हुने भएकाले समयमै रोकथाम गर्नुपर्छ ।
मौसमी फाइबरयुक्त खाद्यपदार्थ नियमित सेवन गर्नुपर्छ । प्रशस्त पानी पिउनुपर्छ । फास्टफुड, ड्राईफुड र कोल्डड्रिंक्सबाट टाढा रहनु वेश हुन्छ । मद्यपान र धूम्रपान गर्नुहुँदैन । लामो समयसम्म दिसा च्यापेर राख्नुहुँदैन । चाँडो सुत्ने चाँडै उठ्ने तथा पर्याप्त निद्रा पुर्याउनुपर्छ । यो जानकारी नेपालगन्ज मेडिकल कलेजमा कार्यरत फिजिसियन डा. मधु अर्यालले नयाँ पत्रिका दैनिकमा लेखेकी छिन्

कब्जियत
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।