समाचार अर्थ शेयर

धितोपत्र बोर्डको वार्षिकोत्सवमा अर्थमन्त्रीले दिए शेयरबजारबारे निर्देशन 

धितोपत्र बोर्डको वार्षिकोत्सवमा अर्थमन्त्रीले दिए शेयरबजारबारे निर्देशन 

 


ललितपुर । अर्थमन्त्री डा. युवराज खतिवडाले शेयर बजारलाई मौद्रिक नीतिमा हुने परिवर्तनको प्रभावबाट मुक्त गर्ने कदम चाल्न धितोपत्र बोर्डलाई निर्देशन दिनुभएको छ । अनावश्यक रुपमा शेयर बजारलाई उत्तेजित गराउने तथा गिराउने प्रवृति निरुत्साहीत गर्नुपर्ने उहाँले बोर्डलाई यस्तो निर्देशन दिनुभएको हो ।

 

नेपाल धितोपत्र बोर्डको २७ औँ बार्षिकोत्सवमा अर्थमन्त्री खतिवडाले शेयरबजारलाई नै प्रभावित पार्ने गरि हुने क्रियाकलापको नियमनमा चनाखो बन्न बोर्डलाई निर्देशन दिनुभएको हो । मुलुकको अर्थतन्त्र उदयीमान रहेको भन्दै उहाँले बैकिङ प्रणाली लगायतका धेरै कम्पनी नाफामा रहेको र त्यसको प्रतिबिम्ब नै शेयर बजार देखिने भएकाले शेयर बजारलाई उत्तेजित र गिराउने प्रवृति रोक्नका लागि बोर्ड सधै चनाखो हुनुपर्ने उहाँको भनाइ छ । 

 


उहाले बैंकिङ्ग प्रणालीमा तरलता बढ्दा शेयर बजार बढ्ने र तरलता घट्दा शेयर बजार पनि घट्ने क्रमको अन्त्य हुनुपर्नेमा पनि जोड दिनुभयो । स्वार्थमा निहित भए कुनै पनि नियामक निकायले काम गर्न नसक्ने हुदा बोर्डको संरचनामा नै सुधार गर्नु पर्ने अर्थमन्त्रीको भनाई छ । उहाले बोर्डलाई अझ व्यवसायिक, स्वतन्त्र र प्रभावकारी निकायको रुपमा विकास गर्न धितोपत्र बोर्ड ऐन, २०६३ संशोधनको क्रममा अगाडि बढेको जानकारी पनि दिनुभयो । 

 


मन्त्री खतिवडाले रेमिट्यान्सबाट आएको पैसालाई शेयर बजारमा लगाउनका लागि बैक र बोर्ड आपसमा मिलेर योजना बनाउन पनि आग्रह गर्नुभयो । बैकमा खाता नभई रोजगारीमा नपठाउने तथा तलबभत्ताको निश्चित रकम बैकिङ प्रणालीबाटै पठाउनुपर्ने र त्यसरी पठाएको रकमबाट शेयरमा सहभागी हुन चाहेमा स्वतः हुने व्यवस्था मिलाउन सके रेमिट्यान्सको केही हिस्सा शेयर बजारमा लगाउन सकिने तर्क उहाँले गर्नुभयो ।

 

 

कोमोडिटी मार्केटलाई अझै पनि संस्थागत गर्न नसकिएको स्वीकार गर्दै मन्त्री खतिवडाले जोखिममा रहेर काम गर्ने संस्थाहरुको नियमनका लागि नियामक निकायहरु चनाखो र प्रभावकारी बन्नुपर्ने आवश्यकता औल्याउनुभयो ।

 

 

लगानीकर्ताहरुको हित संरक्षण गर्ने, पूँजी बजारको विकास र नियमन गर्ने मुख्य उद्देश्यले सरकारद्धारा नियामक निकायको रुपमा नेपाल धितोपत्र बोर्डको स्थापना गरेको हो । तर पूँजी बजारको विकास र नियमनमा बोर्डको भुमिका प्रभावकारी बन्न नसकेको गुनासो हुँदै आएको छ । 

 


कार्यक्रममा बोर्डले बिभिन्न व्यक्तिहरुलाई सम्मान पनि गरेको थियो भने अर्थमन्त्री खतिवडाले बोर्डको बार्षिक स्मारिका लोकार्पण गर्नुभएको थियो । 
 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।