मेरो परिवार मेरो कथा समाज

राजाका पालामा चीनबाट स्याउँस्याँउ किरा परेका चामल नेपालमा आउँथ्यो (भिडियोसहित)

राजाका पालामा चीनबाट स्याउँस्याँउ किरा परेका चामल नेपालमा आउँथ्यो (भिडियोसहित)

 

काठमाडौं । ८६ वर्षकी शान्ति राना, राम्रो आँखा देख्दिनन् । घुँडा दुखेर उभिन पनि  सक्दिनन् । हात काम्छन् । काम गर्न सक्ने तागत पनि छैन । तर पनि यो उमेरमा आफैले खाना पकाएर खानु पर्ने बाध्यता छ । किनभने उनको साथमा उनका छोरानाति छैनन् । 

 

उनका एक छोरा, एक नाति र तीन पनातिपनातिना छन् ।  छोरा रिटायर्ड कर्मचारी हुन् । शान्ति भने वर्षौंदेखि काठमाडौं मध्यबानेश्वरस्थित कविर आश्रममा बस्दै आएकी छिन् । सरकारले मासिक दिने दुई हजार बाहेक उनले आफ्नो उमेर हुँदा जसको सेवा गरेकी थिइन्, त्यो परिवारले दिने चार हजार र कविर आश्रमस्थित एक समितिले दिने पाँच सय गरी ६५ सय उनी कमाउँछिन् । त्यही रकमले सबै खर्च पुर्याउनु पर्छ । 

 

उनका छोरा पनि आउँछन् वर्षमा एकाधपटक, आएको बेला एक हजार जति दिएर जान्छन् । छोराले आफ्ना छोरानातिका लागि जीवनभर संघर्ष गरे, पाले, हुर्काए । छोरानातिका लागि बाबुले गर्नुपर्ने सबै गरे, तर आमाका लागि सायद केही कुरा मिलेन । 

">

आश्रमकी अर्की हुनु जमुनादेवी दाहाल  । उनी पनि ८५ वर्ष पुगिसकेकी छिन्  । ओखलढुंगा छाडेर काठमाडौं पसेको वर्षौैं भयो । उनी १८ वर्षकी हुँदा काठमाडौं प्रवेश गरेकी थिइन् । कविरलाई आफ्नो गुरु मान्ने भएकोले यस आश्रममा बस्नेहरु ‘ईश्वर मानिसभित्रै छ’ भन्ने मान्यतामा विश्वास गर्छन् । मान्छेले बनाएका मन्दिरहरुमा ईश्वर खोज्दै हिँडदैनन् । यसकारण जमुनादेवीलाई आश्रम प्रिय छ ।

 

हरेक वर्गका मानिसको समय र परिस्थितिलाई बुझ्ने फरक फरक दृष्टिकोण हुन्छ । जमुनादेवीको अनुभवमा उहिले राजाको पालामा चीनबाट चामल ल्याइन्थ्यो । किरा परेको चामल खानु पथ्र्योे । खाना पकाएपछि स्याउँस्याउँ किरा देखिन्थ्यो । हुनेखानेले राम्रै चामल खान्थे । गरिबका लागि किरा परेका चामल सरकारले उपलब्ध गराउँथ्यो । जुमनादेवीले उहिले भनेको कतिसालतिर हो सम्झिन सकिनन् । 

 

जुमनादेवीले पढ्ने अवसर पाइनन् । छोरीमान्छेले पढेमा चिठीपत्र लेख्न जान्दछन् । अनि प्रेमपत्र लेखेर पोइला जान्छन् भन्ने मान्यता रहेको जुमना सुनाउँछिन् । उनको विवाह पनि भएको थियो । तर सन्तान भएनन् । उनका पतिका दुई श्रीमतीमध्ये अर्कीबाट सन्तान भए । ती सन्तानहरुले उनलाई घरमै आउनूस भनेर बोलाउने गरेको उनले सुनाइन् । तर उनलाई जान मन छैन । गुरुकै आश्रममा बस्न पाए पुगेको छ उनलाई । 

">

यो आश्रममा अरु पनि चार पाँच जना जेष्ठ नागरिकहरु छन् । ती मध्ये दुई जनासँग हामीले जेठ १५ गते दिउँसो एक बजे कुराकानी गरेका थियौं । 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।