प्रदेश ७

घुस माग्ने कार्यालय प्रमुखलाई सेवाग्राहीले दले कालोमोसो

घुस माग्ने कार्यालय प्रमुखलाई सेवाग्राहीले दले कालोमोसो


कञ्चनपुर । जलस्रोत तथा सिंचाई विकास डिभिजन कार्यालय महेन्द्रनगर कञ्चनपुरका कार्यालय प्रमुख डिभिजनल इञ्जिनियर अजित कुमार श्रीवास्तवलाई सेवाग्राहीले कालोमोसो दलेर अख्तियारको जिम्मा लगाएका छन् ।

 

जलस्रोत तथा सिँचाई विकास डिभिजनल कार्यालय महेन्द्रनगर कञ्चनपुरका कार्यालय प्रमुख डिभिजनल इञ्जिनियर अजित कुमार श्रीवास्तवसँगै इन्जिनियर ग्रीष्मा ठगुन्नाले निर्माण सम्पन्न भइसकेको चौधर नदी नियन्त्रण योजनाको उपभोक्ता समितिको बिल फर–फारक गराउने प्रयोजनका लागि सेवाग्राहीसँग घुस मागेका थिए ।


सेवाग्राहीसँग घुस मागेको सूचना एवं उजुरीको आधारमा अख्तियार दुरुपयोग अनुसन्धान आयोगको कार्यालय कञ्चनपुरको टोलीले कार्यालय प्रमुख इन्जिनियर अजित कुमार श्रीवास्तव र इन्जिनियर ग्रीष्मा ठगुन्नालाई सेवाग्राहीसँग दुई लाख रुपैयाँ घुससहित रंगेहात पक्राउ गरेको हो ।

कार्यालय प्रमुखले नै घुस मागेपछि आक्रोशित सेवाग्राहीले उनलाई कालोमोसो दलिदिएका थिए ।