समाचार प्रदेश ६

५ सय ९० रोपनी सरकारी अपचलन गर्नेमाथि मुद्धा दायर

५ सय ९० रोपनी सरकारी अपचलन गर्नेमाथि मुद्धा दायर


काठमाडौँ । ५ सय ९० रोपनी सरकारी जग्गा व्यक्तिको नाममा बाँडफाँट गर्नेविरुद्ध अख्तियारले भ्रष्टाचार मुद्दा दायर गरेको छ । जुम्लाको गुठीचौर गाउँपालिकास्थित गुठीचौर भेठा तथा बाख्रा फर्म रहेको जग्गा व्यक्तिको नाममा गर्ने मालपोत कार्यालय जुम्लाका तत्कालीन निमित्त कार्यालय प्रमुख गोविन्द प्रसाद न्यौपानेसहित १६ जनाविरुद्ध भ्रष्टाचार मुद्दा दायर गरेको हो ।

 

अख्तियारले न्यौपानेविरुद्ध ४५ लाख रुपैयाँ बिगो तथा जरिवाना र कैद सजाय मागदावी गरेको छ ।
यस्तै मालपोत कार्यालय जुम्लाका तत्कालीन खरिदार विजय शर्मा न्यौपाने, तत्कालीन भेडा तथा बाख्रा अनुसन्धान कार्यालय गुठीचौरका प्रमुख यमुना कुमार श्रेष्ठविरुद्ध पनि ४५ लाख रुपैयाँ बिगो तथा जरिवाना र कैद सजाय मागदावी गर्दै मुद्दा दायर गरेको छ ।

 

अख्तियारले आफ्नो नाममा जग्गा दर्ता गर्ने हरिहर न्यौपानेविरुद्ध २ लाख २५ हजार, मुनिश चन्द्र न्यौपानेविरुद्ध ३ लाख, मायालाल न्यौपानेविरुद्ध ३ लाख, विष्णु न्यौपानेविरुद्ध ४ लाख ९५ हजार, विष्णु ऋषि न्यौपानेविरुद्ध ३ लाख, विष्णुलाल न्यौपानेविरुद्ध ३ लाख, पार्वती न्यौपानेविरुद्ध ५ लाख २२ हजार, नव ऋषि न्यौपानेविरुद्ध ३ लाख, देवेन्द्र प्रसाद उपाध्यायविरुद्ध १ लाख ९९ हजार ९ सय ५० बिगो तथा जरिवाना र कैद सजाय मागदावी गरेको छ ।

 

यस्तै जग्गा खरिद गर्नेहरु जानकी दत्त देवकोटाविरुद्ध ३० हजार, गोमा न्यौपानेविरुद्ध ५ लाख २७ हजार २ सय ५०, केशवराज न्यौपानेविरुद्ध २ लाख २५ र कविदत्त न्यौपानेविरुद्ध ३ लाख रुपैयाँ बिगो तथा जरिवाना र कैद सजाय मागदाबी गर्दै मुद्दा दायर गरिएको छ । 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।