मनोरञ्जन कला साहित्य भिडियो

प्रीतमलाई माधुरीको मायासंगै  दिल्ली र दक्षिण अफ्रिकामा कन्सर्टको प्रस्ताव

प्रीतमलाई माधुरीको मायासंगै  दिल्ली र दक्षिण अफ्रिकामा कन्सर्टको प्रस्ताव

भारतको जी टीभीबाट प्रसारित सारेगमप लिटल च्याम्पसमा तेस्रो स्थान हासिल गर्न सफल नेपाली बाल गायक प्रीतम आचार्य चर्चाको शीखरमा छन् । उनीसगै चौथो स्थान प्राप्त गर्न सफल अर्का गायक आयुष केसीको पनि उत्तिकै चर्चा छ ।  


यी दुई मध्ये प्रीतमको क्रेज अझ बढी देखिन्छ । त्यसमा पनि भारतीय चर्चित अभिनेत्री माधुरी दीक्षितले प्रीतमप्रति अझ बढी चासो र माया देखाएपछि उनको चर्चा चुलिएको हो । 


बाल गायक प्रीतम आचार्यले आफनो करिब पाँच महिना मुम्बइको यात्रामा बलिउडका कलाकारहरूसँग सङ्गत गर्ने मौका पाए ।  उनका अनुसार बलिउडमा धेरै कलाकारहरूसँग उनको भलाकुसारी भयो। धेरैले उनको गायन कलाको प्रशंसा गरे । प्रीतमका अनुसार सबैभन्दा बढी माया उनले माधुरी दीक्षितबाट पाए । 


उनले भने, “ माधुरीले कार्यक्रम रेकर्डिङ भएका बेला खाना खाने समयमा मलाई छेउमा बोलाएर तिमी धेरै राम्रो गाउँछौ, तिमी र म एकचोटी अवश्य काम गर्छौं भन्नुभयो।“


प्रतियोगिता सकिएसंगै गायक प्रीतमलाई भारतको दिल्ली र दक्षिण अफ्रिकाको कन्सर्टका लागि प्रस्ताव आइसकेको छ । ती कन्सर्टका लागि दुई महिनापछि भारत जाने उनको योजना छ । 


कन्सर्टबाट हुने  आम्दानीको ६० प्रतिशत जी टिभी र ४० प्रतिशत आफ्नो हुने उनले बताए । उनले भने, “जी म्युजिकबाट एउटा गीत पनि रेकर्डिङ गराउने योजना छ ।“ 
 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।