अर्थ बैंकिङ मुख्य समाचार

एभरेष्ट बैंकद्वारा आफ्नै ग्राहकको गोपनियता भंग, पूर्वमन्त्रीलाई दियो झगडीया पक्षको स्टेटमेन्ट (प्रमाणसहित)

एभरेष्ट बैंकद्वारा आफ्नै ग्राहकको गोपनियता भंग, पूर्वमन्त्रीलाई दियो झगडीया पक्षको स्टेटमेन्ट (प्रमाणसहित)

काठमाडौ । सिंहदरबारस्थित एभरेष्ट बैंकको शाखाले ग्राहकको गोपनियता भंग हुने गरी मुद्दामामिलामा रहेका दुई मध्ये एक पक्षलाई अर्को पक्षको निजी कागजात उपलब्ध गराएको छ । 

 

बैंकले अदालतमा मुद्धामामिला गरिरहेका दुई पक्ष मध्ये पूर्वमन्त्री कृपासुर शेर्पालाई उनका  झगडीया पक्ष गणेश शेर्पाको बैंक स्टेटमेन्ट उपलब्ध गराएको हो । कृपासुरका आफ्नै छोरा गणेशले कृपासुरविरुद्ध अंश मुद्धा दायर गराएका छन् । अंशमा बाबुले ठगेको दावी गर्दै गणेशले आफ्ना बाबुविरुद्ध अर्को मुद्धा थपेका छन् । 

 

यो अवस्थामा आफूले छोरालाई अंश दिइसकेको भन्ने प्रमाणका रुपमा कृपासुरलाई चाहिएको गणेशको बैंक स्टेटमेन्ट सो बैंकले उपलब्ध गराएको हो । 

 

बैंकले आफ्नो निजी स्टेटमेन्ट झगडीय पक्षलाई दिएपछि गणेशले भने, ‘आफ्नो ग्राहकको गोप्य कागजात अर्को पक्षलाई दिनु गम्भीर खेलवाड हो । मेरो आपसी कानुनी लडाईंमा एभरेष्ट बैंक मेरो पक्षमा उभियो । ग्राहककै कुभलो चिताउने बैंक रहेछ ।’

 

बैंकले आफ्नो गोपनियता भंग गरेको दावी गर्दै गणेशले नेपाल राष्ट्र बैंकमा उजरी गरेका छन् । उनको उजुरीपछि राष्ट्र बैंकले एभरेष्टलाई पत्र लेख्दै यो विवाद आपसी सल्लाहमा सुल्झाउन निर्देशन दिएको छ । राष्ट्र बैंकको बैंक तथा वित्तीय संस्था नियमन विभाग गुनासो व्यवस्थापन समितिको सचिवालयका उपनिर्देशक राजेशप्रसाद शर्माद्वारा हस्ताक्षरित पत्रमा आपसी सल्लाहले विषय सुल्झिन नसके घटनाविवरण विस्तृत रुपमा खुलाई स्पष्टिकरण पठाउन निर्देशन दिएको छ । 

बाबुसँगै मुद्दा लडिरहेका छोराको स्टेटमेन्ट किन बाबुलाई दिएको भन्ने प्रश्नमा सो शाखाका प्रबन्धक रामराज उप्रतीले भने, ‘गुड फेथका आधारमा दिएको हुन सक्छ । हामीले दिएको स्टेटमेन्ट हाम्रो आधिकारिक कागजमा छैन । बाबुले छोराको पनि दिनुस न भनेर लगेको हो कि भन्ने लाग्छ ।’

 

प्रचलित कानुनअनुसार छोराको स्टेटमेन्ट बाबुलाई दिन मिल्छ ? भन्ने प्रश्नमा उनले भने , ‘दिन त मिल्दैन । तर यो विषयमा उनका बाबुलाई पनि हामीले सल्लाह गर्न बोलाएका छौं ।’


 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।