मुख्य समाचार प्रदेश ७

आगलागीमा परी अछाममा ७ घर जलेर नष्ट

आगलागीमा परी अछाममा ७ घर जलेर नष्ट

अछाम । अछाममा भीषण आगलागी हुँदा ७ घर जलेर नष्ट भएको छ । जिल्लाको ढकारी गाउँपालिका–४ बलातामा आगलागी हुँदा ७ घर जलेर नष्ट भएको हो । शुक्रबार बेलुका गहुँगडामा नल पोल्नका लागी बालिएको आगो हावाले उडाएपछि गाउँमा आगलागी भएको ढकारी–४ का वडाध्यक्ष भक्तबहादुर बुढाले जानकारी दिए ।  

 

आगलागीबाट वडाध्यक्ष भक्तबहादुर बुढा, ईन्द्र बुढा, मीनबहादुर बुढा, जोगी बुढा, रूजा बुढा, न्यानु बुढा, धर्म बुढा लगायतका घर जलेर नष्ट भएको जिल्ला प्रहरी कार्यालय अछामले जनाएको छ । आगलागीबाट करोडौँको क्षति भएको स्थानीय पदम बुढाले बताए। आगलागीमा परेर गोठमा बाँधिएका बाख्रा र गाई पनि मरेका छन । स्थानीय र प्रहरीले आगो नियन्त्रणमा लिएका छन्। क्षतिको यकिन विवरण आउन बाँकी रहेको प्रहरीले जनाएको छ ।

अछाम भीषण आगलागी
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।