कला साहित्य

लघुकथासङ्ग्रह ‘घाम’ लोकार्पण

लघुकथासङ्ग्रह ‘घाम’ लोकार्पण

काठमाडौं । कथाकार शुषमा मानन्धरको छैठौं कृति ‘घाम’ आइतबार काठमाडौंमा लोकार्पण गरिएको छ । 

 

४१ वटा लघुकथा रहेको ‘घाम’ लाई लोकार्पण तथा परिचर्चा कार्यक्रमका प्रमुख अतिथि कथाकार माया ठकुरी, लघुकथा समाजका अध्यक्ष श्रीओम रोदन श्रेष्ठ, नाटककार अशेष मल्ल, प्रा.डा. लक्ष्मणप्रसाद गौतम र कथाकार शुषमा मानन्धरले संयुक्तरुपमा लोकार्पण गरेका थिए । 

 

लघुकथासङ्ग्रह ‘घाम’ले हाम्रो सामाजिक परिवेश, व्यक्तिको मनोदशा, बदलिँदो समाजका स–साना विषयहरुलाई उनेर एक उत्तम कृति कथाकारले पाठक सामु प्रस्तुत गरेको उल्लेख गरिन् । 

 

लोकार्पण समारोहमा नाटककार अशेष मल्लले कथामा हुनु पर्ने मूलभूत विषयहरुलाई सुन्दर ढंगले प्रस्तुत गरिएको बताए । 

 

‘घाम’का सम्बन्धमा टिप्पणी गर्दै प्रा.डा. लक्ष्मणप्रसाद गौतमले कृतिको नाम अरु पनि हुन सक्नेतर्फ संकेत गरे । उनले भाषिक शुद्धतामा ध्यान दिन सुझाव दिए । सङ्ग्रहमा रहेका अधिकांश कथाले आफ्नो मन छोएको उनले बताए । 

 

कार्यक्रमका सभापति एवम् तथा आयोजक लघुकथा समाजका अध्यक्ष श्रीओम रोदन श्रेष्ठले सार्वजनिक कृति एक पठनीय सामाग्री भएको टिप्पणी गरे । 

 

कथाकार शुषमा मानन्धरका यसअघि ‘नयाँ साथी’ बालकथासङ्ग्रह (२०७०), ‘आराध्य’ हाइकुसङ्ग्रह (२०७३), ‘रि’ हाइकुसंयुक्तसङ्ग्रह (२०७४), ‘आजका लघुकथा’ संयुक्त लघुकथासङ्ग्रह (२०७४), ‘अनावरण’ कथासङ्ग्रह (२०७४) लगायत कृति प्रकाशित छन् । 
 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।