समाचार ओटोमोबाइल प्रदेश ५

अर्घाखाँचीमा जीप दुर्घटना ४ जनाको मृत्युः दर्जन बढी घाईते

अर्घाखाँचीमा जीप दुर्घटना ४ जनाको मृत्युः दर्जन बढी घाईते

सन्धिखर्क । अर्घाखाँचीमा यात्रुबहाक जीप दुर्घटना हुँदा ४ जनाको मृत्यु भएको छ भने दर्जन बढी घाईते भएका छन् । 
अर्घाखाँची जिल्ला सदरमुकाम सन्धिखर्कबाट प्युठान ऐरावतीको बरौला गाउँतर्फ जाँदै गरेको लु १ ज १२२९ नम्बरको जिप भूमिकास्थान नगरपालिका ८ नुवाकोटमा दुर्घटना भएको हो । 

 

दुर्घटना परी प्युठान ऐरावती गाउँपालिका २ का ५२ वर्षीय धनबहादुर राना, १४ वर्षीया मनीका आचार्य, सन्धिखर्क नगरपालिका डिर्भनाका ३ वर्षका प्रिन्स श्रेष्ठ र उनकी आमा ३० वर्षकी बिष्णुमायाँ श्रेष्ठको मृत्यु भएको जिल्ला प्रहरी कार्यालय अर्घाखाँचीले जनाएको छ । 


 
घटनास्थलमा २ जना सहित सन्धिखर्क र बुट्वल अस्पतालमा १/१ जना गरी ४ जनाको मृत्यु भएको प्रहरी नायव उपरिक्षक नवराज मल्लले जानकारी दिएका छन् । 

 

जम्मा १४ सिट क्षमताको जिपमा चालक सहित १८ बढी यात्रु सवार रहेको र बढि लोड भएकै कारण जीप दुर्घटनामा परेको प्रहरीले जनाएको छ । दुर्घटनामा परि अन्य १४ जना घाईते भएका छन् । उनीहरुको सन्धिखर्क र बुट्वल अस्पतालमा उपचार हुन नसकेपछि थप उपचारको लागि भैरहवा रिफर गरिएको छ ।

 

सोमबार दिउँसो २ बजे जीप उकालो चढ्नेक्रममा ब्रेक फेल भएर सडकबाट एक सय मिटर तल खसेको थियो । 

अर्घाखाँची
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।