कला साहित्य

‘सिड्नी सपना’ उपन्यास माथि अन्तरक्रिया

‘सिड्नी सपना’ उपन्यास माथि अन्तरक्रिया

काठमाडौं । उपन्यासकार सानु घिमिरेको ‘सिड्नी सपना’ उपन्यास माथि अन्तरक्रिया गरिएको छ । गुन्जन नारी साहित्य संस्थाले घिमिरेको ‘सिड्नी सपना’ उपन्यास माथि अन्तरक्रिया गरेको हो । अनामनगर  स्थित गुन्जनका अध्यक्ष हिरण्यकुमारी पाठकको सभापतित्वमा भएको अन्तरक्रियामा अन्तर्राष्ट्रिय नेपाली साहित्य (अनेसास) का केन्द्रीय अध्यक्ष राधेश्याम लेकाली, ज्ञाननिष्ट ज्ञवाली, शान्ति रिसाल र सरिता अर्यालले उपन्यासबारे आआफ्नो भनाई राखेका थिए ।

 

यसैगरी सर्जक डा. रेणु थापा सोलु, नम्रता शर्मा, सन्ध्या पहाडी, गीता रेग्मीलगायतले उपन्यासकार घिमिरेको उपन्यास ‘सिड्नी सपना’ बारे टिप्पणी गरे । सोही अवसरमा उपन्यासकार घिमिरेलाई गुन्जनको आजीवन सदस्यताको प्रमाणपत्र र मायाको चिनो पनि प्रदान गरिएको थियो ।

 

अन्तरक्रियामा जलेश्वरी श्रेष्ठ, बाबा बस्नेत, जयदेव भट्टराई, सीता विष्ट, द्वारिका कुइकेल, सुशीला देउजा, सरु सुवेदी, गंगा सुवेदी, समिना खनाल, पारिजात भण्डारी, कमला रिसाल, अर्जुन थापा लगायतको उपस्थिति थियो । गुन्जन नारी साहित्य संस्था २२ बर्ष अघि १२ जना महिला साहित्यकारले स्थापना गरेका थिए । यसले साहित्य विधामा गतिविधिहरू सञ्चालन गर्दै आएको छ । यो संस्थामा अहिले करिब १०० जना नेपाली महिला साहित्यकार आजीवन सदस्य छन् ।

सानु घिमिरे सिड्नी सपना गुन्जन नारी साहित्य संस्था
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।