अर्थ शेयर

गुराँस लघुवित्तको दुई लाख ५० हजार कित्ता आईपिओ आजबाट, न्युनतम १० कित्ताका लागि आवेदन दिन सकिने

गुराँस लघुवित्तको दुई लाख ५०  हजार कित्ता आईपिओ आजबाट, न्युनतम १० कित्ताका लागि आवेदन दिन सकिने

काठमाडौं। गुराँस लघुवित्त वित्तीय संस्थाले आज(बैशाख १६)देखि सर्वसाधारणको लागि दुई लाख ५० हजार कित्ता प्राथमिक शेयर (आइपिओ) निष्कासन गरेको छ।

संस्थाले उक्त शेयरमध्ये ०.५ प्रतिशत अर्थात तीन हजार ८७५ कित्ता कर्मचारिहरुको लागि, ५ प्रतिशत अर्थात १२ हजार ५०० कित्ता सामुहिक लगानीकोषका लागि र बाँकी दुई लाख ३३ हजार ६२५ कित्ता सर्वसाधारणको लागि बिक्री खुला गरेको हो।

 

सर्वसाधारणले प्रतिशेयर १०० रुपैयाँको दरमा न्युनतम १० कित्ता र अधिकतम ५०० कित्ताको लागि आवदेन दिन सक्नेछन्।

संस्थाले पहिलो चरणमा वैशाख २० गतेसम्म र यदि पहिलो चरणमा बिक्री नभएको खण्डमा ढिलोमा जेठ १४ गतेसम्म निष्कासन गर्न सक्ने बिक्री प्रवन्धक एनआइएल एस क्यापिटलले जनाएको छ।

 

प्राथमिक शेयरमा आवदेन दिनका लागि नेपाल धितोपत्र बोर्डबाट आस्वा सुविधा प्रदान गर्ने सबै बैंक तथा वित्तीय संस्थाका साथै मेरो शेयरमा खाता हुनेले अनलाइन मार्फत आवेदन दिन सक्ने बताइएको छ।  

प्राथमिक शेयर निष्कासनसँगै संस्थाको चुक्ता पूँजी ७ करोड ७५ लाख रुपैयाँ पुग्नेछ।

गुराँस लघुवित्त वित्तीय संस्था
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।