अर्थ शेयर

नेप्सेमा सामान्य करेक्सन, ४.२१ अकंले घट्दा अर्ब माथिको कारोबार

नेप्सेमा सामान्य करेक्सन, ४.२१ अकंले घट्दा अर्ब माथिको कारोबार

काठमाडौं । सोमबार शेयर बजारमा सामान्य करेक्सन देखिएको छ । धेरै कम्पनीको शेयरमा नाफा सुरक्षित गर्नेहरु सक्रिय हुँदा बजारमा ४.२१ अंकको करेक्सन आएको हो । आज शेयर बजारमा सामान्य गिरावट आएपनि कारोबार रकममा भने अर्ब माथि पुगेको छ ।  

 

केही दिनदेखि बढिरहेको बजारमा सोमबार आएको करेक्सनसँगै बजार परिसुचक नेप्से १३१०.३१ अंकमा अडिएको छ । आज ‘क’ वर्गका कम्पनीहरुको कारोबार मापन  सेन्सिेटिभ इण्डेक्स समेत १.०१ अंकले घटेर २८१.८४ अंकमा झरेको छ ।

 

सोमबार १७४ कम्पनीका ३० लाख १६ हजार कित्ता शेयरहरु १ अर्ब १९ करोड ७७ लाख रुपैंयामा किनबेच भएका छन् । आइतबार एकै दिन १ अर्ब ६७ करोडको शेयर कारोबार भएकोमा सोमबार भने झण्डै ३८ करोडले कारोबार रकम घटेको हो । यद्यपी विगतमा बजार घट्दा सानो आकारको मात्र कारोबार रकम देखिने गरेकोमा सोमबारको रकमले लगानीकर्ताको सक्रियता बढ्दै गएकामे देखाउँछ ।

 

यस कारोबार दिन वाणिज्य बैंक समुहमा आएको ७.८ अंकको गिरावटले बजारलाई करेक्सन गराउन महत्वपूर्ण भूमिका खेलेको छ । योसँगै विकास बैंक, जलविद्युत, वित्त, निर्जीवन बीमा र लघुवित्त समुहमा गिरावट आएको छ ।

जीवन बीमा समुहमा धेरै सुधार आएको बजारमा व्यापार, होटल, उत्पादन तथा अन्य समुहका सूचकहरु उकालो लागेका छन् ।

 

नेपाल लाइफ इन्स्योरेन्सले लाभांस प्रस्ताव पारित गर्न साधारण सभा बोलाएसँगै धेरै शेयर कारोबार भएको छ । नेपाल बैंक, प्रभु बैंक, नेको इन्स्योरेन्स, एनआईसी एशिया बैंक, नेशनल लाइफ, एनएमबी, प्राइम लाइफ, सानिमा बैंक र सिद्धार्थ बैंक धेरै शेयर कारोबार हुने शिर्ष १० कम्पनीमा परेका छन् ।

 

बजारमा करेक्सन देखिँदै गर्दा ४९ कम्पनीको शेयर मूल्य बढेको छ भने केही कम्पनीको स्थिर हुँदा बाँकी रहेका कम्पनीको शेयर मूल्यमा गिरावट आएको छ ।

शेयर बजार
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।