अर्थ बैंकिङ

 एनआईसी एशियाले गर्यो एकै दिन ५ शाखा विस्तार 

 एनआईसी एशियाले गर्यो एकै दिन ५ शाखा विस्तार 

काठमाडौं । एनआईसी एशिया बैंकले एकै दिन ५ नयाँ शाखा विस्तार गरेको छ । ग्रामिण तथा दुर्गम क्षत्रहरुमा समेत द्रुत्तर बैंकिङ्ग सेवा विस्तार गर्ने लक्ष्यका साथ बैंकले काठमाडौं उपत्यकासहित बारा जिल्लाको फेटामा ५ नयाँ शाखा संचालनमा ल्याएको हो । 


बैंकका नयाँ साखा कार्यालयहरु एकै दिन बैशाख ११ गते उद्घाटन भएका छन् । 

बैंकले आफ्नो नयाँ शाखाहरु मध्यपुर थिमी नगरपालिका वडा नं. ६ भक्तपुर स्थित पुरानो थिमीमा एक शाखा स्थापना गरेको छ । उक्त शाखा कार्यालय सोही वडाका वडा अध्यक्ष ईन्द्र बहादुर प्रजापतिद्धारा उद्घाटन गरिएको छ । 


त्यस्तै, कागेश्वरी मनोहरा नगरपालिका गोठाटारमा बैंकको अर्को शाखा स्थापना गरिएको छ । यस शाखाको उद्घाटन कृष्णहरि थापाले गरेका हुन् । यता सूर्यविनायक नगरपालिका वडा नं २ बालकोट शाखाको सोहि वडाका वडा अध्यक्ष कमल नाथ आचार्यले गरे । 

बैंकको अर्को शाखा चद्रांगिरी नगरपालिका वडा नं. ११ सतुंगलचोक स्थित सतुंगलचोकमा चन्द्रांगिरी नगरपालिकाका प्रमुख घनश्याम गिरीद्धारा उद्घाटन गरिएको छ । 

 

उता बारा जिल्लामा भने फेटा गाउँपालिका वडा नं. ३ फेटामा बैंकको नयाँ  शाखा खोलिएको छ । यस कार्यालयको उद्घाटन बैंकले फेटा गाउँपालिका अध्यक्ष अमिरीलाल प्रसादबाट गराएको हो । 

 

हाल एनआईसी एशिया तिव्र साखा विस्तार गर्ने र उच्च आर्थिक कारोबार गर्ने कमर्सियल बैंकको रुपमा अगाडि आएको छ । यो बैंकले मुलुकभरका २८१ शाखा कार्यालयहरु, २८९ एटिएम, ४० वटा एक्सटेन्सन काउण्टर एवं २३ वटा शाखा रहित बैंकिङ्ग ईकाई मार्फत बैंकिङ्ग सेवा प्रदान गरिरहेको छ । 

एनआईसी एशिया बैंक
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।