कर्पोरेट ओटोमोबाइल

यामाहाले ल्यायो बजारमा एफजेडएस एफआई भी ३.०

यामाहाले ल्यायो बजारमा एफजेडएस एफआई भी ३.०

काठमाडौं – दुई पाङ्ग्रे सवारीको प्रतिष्ठित ब्राण्ड यामाहाले बजारमा एफजेड सिरिजको नयाँ बाइक एफजेडएस एफआई भी ३.० नेपाली बजारमा ल्याएको छ । यामाहाको आधिकारिक वितरक एमएडब्ल्यु इन्टरप्राइजेजमा राजधानीको भृकुटीमण्डपमा आज देखि प्रारम्भ गरेको महा एक्सचेन्ज मेलामा सो बाइक पनि लन्च गरेको हो ।

 

यामाहाको नयाँ एफजेडएस एफआई सिंगल च्यानल एबीएस स्ट्यान्डर्डको रुपमा आएको छ । जुन पुरानो एफजेडएस मोडलको जस्तै सार्प र मस्कुलर लुकमा उपलब्ध छ । मोटरसाइकलको ट्यांकी भने केहि फरक लुक्समा आएको छ । 

इन्धन ट्यांकीको अघिल्लो भागमा ग्रिल जस्तै एयर भेन्ट छ । यसका कारण नै बाइक धेरै दमदार देखिएको छ । यो बाइक सिंगल सिट अप्सनमा पनि उपलब्ध छ ।

 

बाइकमा नयाँ एलोई ह्विल र दुई पटक डिजाइन गरिएको फेन्डर्स छ । पछिल्लो भागमा नयाँ टेल लाइट र बडी वर्क छ । बाइकमा नयाँ एलसीडी इन्स्ट्रयुमेन्ट क्लस्टर र एलईडी हेडलाइट छ ।

मेकानिकल्ली यसको इन्जिनमा कुनै परिवर्तन गरिएको छैन । बाइकमा १४९ सीसी एयरकुल्ड टु भल्व सिंगल सिलिन्डर इन्जिन उपलब्ध छ । यसले १३.२ बीएचपी पावर र १२.८ एनएम टर्क जेनेरेट गर्छ । यसमा ५–स्पिड गियरबक्स छ ।

यो नयाँ बाइकको शुरुवाती मूल्य ३ लाख ९ हजार ९ सय रुपैयाँ तोकिएको छ ।

यामाहा
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।