अर्थ कर्पोरेट

लगानी सम्झौताका सबै परियोजना सहजीकरणका लागि उच्चस्तरीय संयन्त्र गठन 

लगानी सम्झौताका सबै परियोजना सहजीकरणका लागि उच्चस्तरीय संयन्त्र गठन 

काठमाडौं । लगानी सम्मेलन २०१९ का बेला भएका सम्झौताका परियोजनामा सहजीकरण गर्नका उच्चस्तरीय संयन्त्र गठन हुने भएको छ । शुक्रबार बसेको लगानी बोर्डको ३७ औं बैठकले प्रधानमन्त्री तथा मन्त्रिपरिषद्को कार्यालयका सचिव माताहत रहने गरी ५ सदसीय संयन्त्र गठन गर्ने निणर्य गरेको हो ।

 

सयन्त्रको नेतृत्व मन्त्रिपरीषद् कार्यालयमा बिकास तथा पूर्वाधार हेर्ने सचिवले गर्ने छन् । उक्त संयन्त्रमा भौतिक पूर्वाधार तथा यातायात,उर्जा जलस्रोत तथा सिंचाई,उद्योग वाणिज्य तथा आपूर्ति मन्त्रालय र लगानी बोर्डबाट एक एक जना सह–सचिव सदस्य रहने छ ।

उक्त संयन्त्रले लगानी सम्मेलनमा प्रस्तुत परियोजनामा आएका प्रस्तावहरुको कार्यन्वयनमा सहजीकरण र प्रगति मुल्याकंन गर्नेछन् । यस्तै बैठकले लगानी सम्मेलनमा प्रतिबद्धता भएका तथा सम्झौता भएका परियोजना अगाडि बढाउन सैद्धान्तिक सहमति प्रदान गर्ने निर्णय पनि गरेको छ ।

 

लगानी सम्मेलनमा सोकेस गरिएका आयोजनामा पुनः लगानी गर्न इच्छुक लगानीकर्तालाई बैशाख ७ गते देखि थप एक महिना समय थप्ने निर्णय पनि बैठकले गरेको छ । बैठकमा प्रधानमन्त्री ओलीले लगानी सम्मेलनमा भएका सम्झौता कार्यन्वयनलाई प्राथमिकतामा राखेर अगाडि बढाउन सबै निकायलाई निर्देशन दिएका छन् ।

साथै प्रधानमन्त्री ओलीले काठमाडौंमा सुबिधा सम्पन्न अन्तर्राष्ट्रिय सम्मेलन केन्द्र निमार्ण ५ वर्ष भित्रै सम्पन्न गर्न समेत सम्बन्धित निकायलाई निर्देशन दिएका छन् ।

अर्थ मन्त्रालय लगानी बोर्ड
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।