अर्थ शेयर कर्पोरेट

अब शेयर कारोबारमा प्यान अनिवार्य, साना कारोबारीलाई सोएछिक विकल्प

अब शेयर कारोबारमा प्यान अनिवार्य, साना कारोबारीलाई सोएछिक विकल्प

काठमाडौं । नेपाल धितोपत्र बोर्डले शेयर कारोबारमा अनिवार्य स्थायी लेखा नंबर(प्यान) लागू गरेको छ । बोर्डले सरकारको योजना अनुसार ५ लाख भन्दा माथिको कारोबारमा अनिवार्य प्यान लागू गरेको हो । 


सोमबार देखि लागू यस नियममा तत्काललाई ५ लाख वा सो भन्दा बढीको कारोबारमा प्यान अनिवार्य गरेको छ ।

शेयर बजारका सबै लगानीकर्तालाई प्यानको दायरामा ल्याउने सरकारको योजना भए पनि विभिन्न पक्षसँगको छलफल तथा सुझावका आधारमा ५ लाखभन्दा बढीको कारोबारमा मात्र प्यान अनिवार्य गरिएको हो ।

 

५ लाखभन्दा कमको कारोबार गर्नेहरुले पनि ऐच्छिक रुपमा प्यानमा आबद्ध हुन सक्ने बोर्डले जनाएको छ । गत चैत १० गते आइतबारदेखि शेयर कारोबारमा स्वेच्छिक रूपमा प्यान लागू गरिएको थियो ।

 

नेपाल धितोपत्र बोर्डका अनुसार दोस्रो बजारमा एक पटकमा पाँच लाख वा सो भन्दा बढीको कारोवारमा मात्र स्थायी लेखा नम्बर प्यान चाहिनेछ । दिनभरीको कारोवार वा पटक पटकको कुल कारोवारको नभई एक पटकमा ५ लाख वा सोभन्दा बढीको कारोवार गर्दा मात्र प्यान अनिवार्य गरिएको हो ।

 

सरकारको बजेट कार्यन्वयन कार्ययोजनामा दोश्रो बजार मार्फत शेयर खरिद गर्दा लगानीकर्ताले स्थायी लेखा नम्बर लिएको प्रमाण पेश गर्नुपर्ने नीतिगत व्यवस्था अनुसार स्थायी लेखा नम्बर अनिवार्य गर्ने व्यवस्था गरिएको हो । 

नेपाल धितोपत्र बोर्ड
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।