समाचार कभर स्टोरी अर्थ कर्पोरेट देश

मुनाफा ऐन संशोधनको तयारीमा सरकार

मुनाफा ऐन संशोधनको तयारीमा सरकार

काठमाडौं । विदेशी लगानीकर्तालाई लगानीको मुनाफा लैजान सहजीकरणका लागि सरकारले ऐन संशोधनको तयारी थालेको छ । 
अन्तर्राष्ट्रिय लगानी सम्मेलनको पूवसन्ध्यामा सरकारको तयारीबारे जानकारी दिन आयोजित पत्रकार सम्मेलनमा अर्थमन्त्री डा.युवराज खतिवडाले अन्तर्राष्ट्रिय लगानी तथा आयक कर ऐन २०५८  थप सेवा तथा सुविधासहित संसोधन गरिने जानकारी दिनुभयो । 

अर्थमन्त्री खतिवडाले लगानीकर्तालाई दिएको सुविधा फिर्ता लिने नभएर थप्ने भएकाले कसैलाई शंका गर्ने ठाउँ नदिने स्पष्ट गर्नुभयो । 

 

नेपाल उद्योग बाणिज्य महासंघका अध्यक्ष भवानी राणाले देशमा लगानीको स्वर्णिम युग शुरु भएको बताउँदै भन्नुभयो– 'निजीक्षेत्र सरकार, लगानीकर्ता तथा व्यवस्थापकसंग सहकार्य गर्न तयार छ ।'

 
नेपालमा तेस्रो पटक हुन लागेको ‘अन्तर्राष्ट्रिय लगानी सम्मेलन शुक्रबार र शनिबार काठमाडौंमा  हुँदैछ । सम्मेलनमा ४० राष्ट्रबाट करिब ६ सय लगानीकर्ता सहभागी हुँदै छन् ।   

लगानीका लागि सरकारले जलविद्युत, पर्यटन र उत्पादनसंग सम्बन्धित ७७ परियोजना छुट्याएको छ । जसमध्ये दर्जन आयोजना अघि बढाउन विदेशी लगानीकर्तासंग सम्झौतामा हस्ताक्षर हुने जानकारी अर्थ मन्त्रालयले दिएको छ । 

 

यसै लगानी सम्मेलन मार्फत सरकारले ३ खर्ब ६९ अर्ब विदेशी लगानी भित्र्याउने लक्ष्य राखेको छ । इच्छुक स्वदेशी तथा विदेशी लगानीकर्तालाई सरकारले ऋण सुविधा समेत उपलब्ध गराउने आश्वासन दिएको छ । 
 

अन्तर्राष्ट्रिय लगानी सम्मेलन
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।