कभर स्टोरी स्ट्रेट फरवार्ड

१७ हजार मारेपछि प्रचण्डको योग्यता पाँच पिएचडी बराबर (भिडियोसहित)

१७ हजार मारेपछि प्रचण्डको योग्यता पाँच पिएचडी बराबर (भिडियोसहित)

काठमाडौं । डा. प्रेम सिंह बस्नेत नेपालआजका नियमित भिडियो स्तम्भकार हुनुहुन्छ । ‘स्टेट फरवार्ड’ नामक स्तम्भमा डा. बस्नेतले यसपटक फास्ट ट्रयाक बनाउन नदिने खेल भइरहेको खुलासा गर्नुभएको छ । वर्तमान सरकार अराजकतातर्फब प्रवेश गरेको उहाँको दावी छ । सेनाको संख्या घटाउने योजना घातक रहेको उहाँको ठहर छ । प्रस्तुत छ उहाँले ‘स्ट्रेट फरवार्ड’ व्यक्त गर्नुभएको धारणाको मुख्य सारः 

 

–     प्रधानमन्त्री केपी ओली एक्लै दौडिरहनु भएको छ । नेकपाका दुई अध्यक्षको टाउको दुइतिर फर्किएको छ । नेकपाभित्रको गुटले मुख्य समस्या पारेको छ । ओलीलाई साथ दिने मन्त्रीहरु छैनन् । रवीन्द्र अधिकारी, लालबाबु पण्डित, रघवीर महासेठ जस्ता मन्त्रीका कारण सरकार बदनाम भएको छ । 

 

–    यो सरकारका मुख्य अरिंगाल त केपी ओली नै हुन् । त्यसपछि योगेश भट्टराई र सूचनामन्त्री गोकुल बास्कोटा दोस्रो वरियताका अरिंगाल हुन् । विद्यार्थीका रञ्जित तामाङ र युवा संघका अध्यक्ष रमेश पौडेल पनि अरिंगाल हुन् । मन्त्री बास्कोटाको बोल्ने शैलीले नै जनता इरिटेट पारिरहेको छ । 

 

–    तीन जना नेपालीलाई अमेरिका राखेर पिएचडी गराएभन्दा बढी खर्च गरेर कोस्टारिका  पुगेर प्रधानमन्त्री केपी शर्मा ओलीले पिएचडी उपाधि लिनु भएको छ । यसकारण म अब उहाँलाई नौ पासे भन्दिनँ । डा. ओली भन्छु । 

 

–    प्रतिपक्षी कांग्रेसलाई सयमा दूई र पक्षलाई सयमा पाँच नम्बर दिन्छु । कांग्रेस आफै भ्रष्टाचारमा चुर्लुम्म डुबेको छ । कांग्रेसका नेता उनीहरुका आफन्तहरुले देश लुटेर खाएका छन् । देउवाबाट कांग्रेसले मुक्ति पाउनु पर्छ ।  १७ हजार मान्छे मार्ने प्रचण्डको योग्यता भनेको पाँच वटा पिएचडी बराबर हो । 

 

–    राजपा शान्त छ । सच्चा तराईबासीमा मेरो अनुरोध छ । जसलाई तपाईंहरुले आफ्नो प्रतिनिधि बनाउनु भएकोछ यिनीहरु सक्कली नेपाली होइन । भारतमा सिलिभरको लोटा उचाल्न नसकेर नेपाल पसेकाहरुको मिसन नै तराई टुक्रा पार्नेहो । यिनीहरु नेपालमा लुट्न आएका पात्रहरु मात्रै हुन् । ब्वाँसोले सिकार सके जस्तै यिनीहरु पनि त्यस्तै हुन् । भारतीयहरुलाई नागरिकता बाँड्न आएका पात्र मात्रै हुन् । 

–    यो सरकारको पतन हुन्छ । राजाहरुलाई विष्णुको अवतार भनेर उचाल्ने चम्चेहरुका कारण राजसंस्था गयो । अहिले पनि सल्लाहकारका नाममा ओलीका चम्चाहरुका कारण यो सरकारको पनि पतन हुन्छ । 

–    यो सरकार सुध्रिने हो भने यसले पनि गर्न सक्छ । तर सुध्रिन संकेत  देख्दिनँ । 

–    १५ वर्षसम्म भ्रष्टाचारको आरोप खेप्नेहरु अख्तियारका प्रमुख बनेको देश हो । 

 

–    मित्र राष्ट्र भारतमा भएको आतंकवादी हमलाको निन्दा गर्छु । भारत र पाकिस्तानबीच युद्ध हुन हुँदैन । त्यस्तो भयो भने नेपालकै गोर्खाको निधन हुन सक्छ । आतंककारी पाल्ने भन्ने कुरा कहिले काहिँ सम्भव पनि हुन्छ । पाकिस्तानले पालेर आफ्नो अनुकुलमा प्रयोग गर्न सक्छ । भारतको दावी अनुसार पाकिस्तानले आतंकवादी पालेको छ । हाम्रो देशको आतंकवादीलाई भारतले पालेकै हो । 

 

नेपाली सेनाको संख्या घटाउने योजना बनिरहेको छ । नेपाली सेनाले देश बनाउन खोज्दा अहिले सेनामा टार्गेटमा परेको छ । फास्ट ट्रयाक बनाउन नदिने विदेशी खेल भइरहेको छ । नेपाली सेनालाई विवादमा पार्न पूर्वआर्मी अफिसरहरु पनि लागि परेका छन् । हरेक काममा सेना चाहिएको छ । यसकारण सेनाको संख्या घटाउने होइन, ५० हजार थप्नु पर्छ । फास्ट ट्रयाक सेनालाई भारतलाई मन परेको छैन । 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।