खेल

मेस्सीले किन ‘मिस’ गर्छन् पटक पटक पेनाल्टीको मौका ?

मेस्सीले किन ‘मिस’ गर्छन् पटक पटक पेनाल्टीको मौका ?

एजेन्सी । विश्व फुटबल इतिहासमै अर्जेन्टिनाका प्रभावशाली फुटबलर लियोनल मेस्सी सर्बाधिक प्रशंसक हुने खेलाडीमध्ये अग्र पंक्तिमै आउँछन् । पछिल्ला केही अनुसन्धानले समेत मेस्सी सर्वाधिक लोकप्रिय खेलाडीको दर्जामा छन् ।

 

पोर्चुगलका खेलाडी क्रिष्टियानो रोनाल्डोसँग उनको तुलना गरिए पनि रोनाल्डो मेस्सीभन्दा पछि नै छन् । विश्वविख्यात ‘कमेन्टेटर’हरुले समेत मेस्सीलाई ‘गोल मेसिन’को उपमा दिइसकेका छन् ।

 

यीनै ‘गोल मेसिन’ले पछिल्लो शनिबार आइसल्याण्डविरुद्धको खेलमा महत्वपूर्ण पेनाल्टीको अवसर गुमाएपछि भने विश्वभर रहेका उनका प्रशंसक दुखी र आक्रोशित बने ।

 

र यो पहिलो पटक पनि होइन । यसअघि पटक पटक पेनाल्टीको अवसर गुमाएका मेस्सीलाई पेनाल्टी किन ‘फाप्दैन’ ? भनेर समेत सोध्न थालिएको छ । जब कि, एक दिनअघि मात्रै रोनाल्डोले ह्याट्रिक गरिसकेका थिए । प्रतिष्पर्धीको रुपमा हेरिने रोनाल्डोले भने हरेक पेनाल्टी पक्का गर्छन् मेस्सीले किन गुमाउँछन् ? यसबारे विश्वभर चासो बढेको छ ।
 

खासगरी गत शनिबार आइसल्याण्डसँगको खेलमा पाएको पेनाल्टीको मौका गुमाएपछि मेस्सीले चौतर्फी आलोचना ब्यहोर्नुपरेको छ । उनका आफ्नै प्रशंसकले चर्को आलोचना गर्न थाले ।

 

फुटबलमा ‘स्योर सट गोल’को रुपमा बुझिने पेनाल्टीमा समेत मेस्सीले गोल गर्न नसकेपछि उनको आलोचना भएको हो । 


त्यसो त मेस्सीले आइसल्याण्डसँग पेनाल्टी गुमाएको यो ११ औँ पटक हो । यसअघि समेत उनले विभिन्न खेलमा महत्वपूर्ण र सहज पेनाल्टी समेत गुमाइसकेका छन् ।

 

अघिल्लो वर्षमात्रै जर्मनीसँगको फाइनल खेलमा पनि मेस्सीले पेनाल्टी गुमाएका थिए । जर्मनीसँग उनको उक्त कमजोरीबाट पाठ सिकेको अर्जेन्टिनी टोलीले गत शनिबार भएको आइसल्याण्डसँगको खेलमा समेत मेस्सीलाई नै पेनाल्टीको मौका दियो ।

 

फलस्वरुपः मेस्सीले यो मौका पनि चुकाए । यदी उनले आइसल्याण्डलाई पेनाल्टी गर्न सकेको भए अर्जेन्टिना आइसल्याण्ड जस्तो कमजोर टोलीसँग बराबरीमा अल्झिनुपर्ने थिएन ।


यही कारण पनि उनको थप आलोचना भएको छ । खेल विश्लेषकहरु मेस्सी हरेक पटक पेनाल्टीको बेला हतासमा हुने तर्क गर्छन् । खेल जारी रहँदा उनी जस्तो मूडमा खे्लिरहेका हुन्छन् र उनको ध्यान गोल गर्नमै केन्द्रित हुन्छ तर पेनाल्टीको अवधिमा भने उनको ध्यान भंग हुने उनीहरुको टिप्पणी छ ।

 

धेरैको हुटिङ, चासो र सन्नाटाको बीच मेस्सी आफूलाई एकाग्र गर्न नसक्ने भन्दै खेल विश्लेषकहरु नै उनको टिप्पणी गर्छन् । यतिसम्म कि, अन्र्तमुखी स्वभावकै कारण मेस्सी पेनाल्टीको बेला अत्तालिने गरेको पनि टिप्पणी हुने गरेको छ ।

 

मेस्सीले विभिन्न खेलमा ११ पटकसम्म अन्तर्राष्ट्रिय स्तरका महत्वपूर्ण खेलमा पेनाल्टी मौका गुमाएका छन् । क्लब गेम देखि विश्वकप फुटबलमा समेत उनले गुमाएका पेनाल्टीको सूची यहाँ उतारिएको छ ।


मेस्सीले अहिलेसम्म यी देश तथा क्लबको विरुद्धका खेलमा पेनाल्टी मौका गुमाएः

 

ब्राजिल 

चेल्सी

चिली

ब्राजिल

आइसल्याण्ड

म्यान सिटी

एथ्लेटिको बिल्बाओ

जर्मनी

एट्लेटिको म्याड्रिड

लेबान्ते

रियल बेटिस 
 

 

खेल फुटबल मेस्सी पेनाल्टी