अन्तरवार्ता भिडियो स्ट्रेट फरवार्ड

भारतका राष्ट्रपतिलाई नेपालमा ढुंगा हानिन्छ भनेर ‘कर्फ्यु’ लगाइयो (भिडियोसहित)

भारतका राष्ट्रपतिलाई नेपालमा ढुंगा हानिन्छ भनेर ‘कर्फ्यु’ लगाइयो (भिडियोसहित)

काठमाडौं । राजनीतिक विश्लेषक डा. प्रेमसिंह बस्न्यातले प्रधानमन्त्री केपी शर्मा ओलीको राष्ट्रियताप्रतिको इमानमा शंका गर्नु  भएको छ । नाकाबन्दीको समयमा ओलीले लिएको अडान र गरेको प्रतिरोध प्रशंसायोग्य भए पनि पछिल्लो समय ओली स ंशयको घेरामा परिसकेको बस्न्यातको दावी छ । नेपालआजमा डा. बस्न्यातको नियमित भिडियो स्तम्भ ‘स्ट्रेट फरवार्ड'मा बोल्दै उहाँले भन्नु भएको छः 

 

‘निर्वाचन अगाडिको केपी ओली र अहिलेको केपी ओलीमा फरक छ । भारत भ्रमणबाट फर्केर आएपछि त केपी ओलीको  इञ्जिन नै फेरिसकेको महशुस गरिरहेको छु । उनका अभिव्यक्ति, क्रियाकलाप आदिलाई नजिकबाट नियालिरहेको छु । जसबाट  मलाई शंका लागेको हो ।

 

सन १९५० को सन्धिलाई तपाईहरुको टेलिभिजनमा धेरै राम्रो हो भनेर पनि प्रचार भएको मैले सुने । तर नेपाल र भारतबीच  भएको १९५० को सन्धिलाई म इभिल ट्रिटी भन्न रुचाउँछु । सन्धिका दुुई धाराले नेपालको स्वाधीन अधिकार कुण्ठित गरेको छ  । ।अहिले पनि भारतको सोचाईमा हामी स्वतन्त्र छैनौं । भारतले भुटानकै श्रेणीमा राखेर नेपाललाई हेर्र्छ । अहिले पनि भारतले उत्तरी सिमाना हिमालय क्षेत्र हो भन्छ ।  तर औपचारिक रुपमा भन्न सक्दैन । 

 

नेपाल सधै भारतमुुखी रहिरहोस् भन्ने उसको राष्ट्रिय चाहना हो । 


प्रधानन्यायाधीश भएको खिलराज रेग्मी जस्तो मान्छेलाई समेत प्रयोग गरेर भारतले लाखौ भारतीयलाई नेपालको नागरिकता  दिलाउन सफल भयो । नेपालका सबैजसो नेताहरुको घाँटी भारतले समाएको छ । राजा महेन्द्रले आफ्नो कालमा पूर्वपश्चिम  राजमार्ग, तिब्बतसँग बाटो खोल्ने काम गरेका थिए । भारतले त्यो चाहँदैन थियो । तर गरे त राजा महेन्द्रले । यसकारण लोकतान्त्रिक व्यवस्था मात्रै सधै उपयुक्त हो मान्न सकिन्न । एक राजाले गरे जति काम नेपालका नेताहरुले गर्न सकेका छैनन् । 

 

यो कुुराहरुलाई हामीले नकारेर नेताका भाषणले मात्रै राष्ट्रियता बलियो हुँदैन । 

  
नेपाली शासकले चीनसँगको सम्बन्ध र कनेक्टिभिटी जोड्ने इच्छाशक्ति भयो भने धेरै कुरा सम्भव छ । चीनसँग अहिले पनि  नेपाले धेरै किसिमका सम्झौता गर्न आवश्यक छ । नत्र फेरि पनि नेपालमाथि भारतले नाकाबन्दी लगाउन सक्छ । चीनबाट रेल ल्याउने, चीन हुँदै तेस्रो मुलुकसँग व्यापार गर्ने आदि काम गर्न पर्र्छ । तर यसका लागि नेपालको ब्युरोक्रेसी नै  बाधक बन्छ । बाँकी भारतका चम्चाहरुले विरोध गर्छन् । काम गर्न दिँदैनन् । अर्को कुरा आजसम्म नेपालमा ५ पटक त भारतले नाकाबन्दी लगाइसकेको छ । नेपालजस्तो सानो र परिस्थिति गरिब भएको देशमाथि भारतले ज्यादति गर्दैैै गएको छ ।

 

आजसम्म नेपालले कहिले पनि भारतविरोधी र चीनविरोधी काम गरेका छैन । रेल, टनेल, सडक, केबलकारबाट भए पनि चीनसँग धेरै वटा सडकबाट नेपाल जोडिनुपर्छ । भारतका प्रधानमन्त्री नरेन्द्र मोदी नेपाल आउँदैछन् । कारण के हो भने नेपाललाई इन्गेज गराउने मात्रै चाहना भारतको हो ।  दोक्लाम प्रकरणमा भारतको हार भयो । चीनमा मोदी दौडिरहेका छन् । चीनसँग सम्बन्ध विस्तार गर्ने, दक्षिण एसियामा पनि  प्रभूत्व जमाउने योजना भारतको छ । 

 

माेदीले चीनसँग आफ्ना क्षेत्रका मुलुकहरुमा धेरै प्रभाव विस्तार नगर्नू भन्न सक्छ । भारतका राष्ट्रपति नेपाल आउँदा जनताले ढुंगा हान्छन् भनेर नेपालमा करफ्यू लगाए झै भ्रमण गराइयो । अहिले मोदीको भ्रमण हुन लागेको छ । युवाहरुको भावना के छ भने मोदीलाई कालो झन्डा देखाउने छ । अर्थात नेपाली युवामा राष्ट्रप्रेम छ । 

 

केपी ओलीलाई फेरि गलाउने योजना भारतको छ । नेपालका अभिषाप भारतका पूर्वराजदूत श्यामशरण, रञ्जित रेसहित तीन जना राजदूत नेपालमा हप्तौ बसेर विभिन्न खेल गरे । रञ्जित रेको साथी भनेको दीपकुमार उपाध्याय हुन । यी दुर्ई मिलेर नेपालमा नाकाबन्दी लगाएका हुन् । नेपालका लागि रञ्जित रे कुपात्र हुन् ।

 

नेपालमा भारतका हजारौं तलबी एजेन्ट छन् । ब्युरोक्रेसी, सुरक्षा अंगमा विदेशी एजेन्ट छन् । नेपालका भलो नहोस् भन्नेहरु धेरै छन् । युरोपेली युनियनले पनि एजेन्ट पाल्छ । र नेपालमा बसेर चीनविरोधी काम गर्र्छन् । बाबुराम भट्टराई भनेका एसडी मुनीका चेला हुन् । ट्याग लागिसकेका व्यक्ति हुन् । जस्ता एसडी मुनी छन्, बाबुराम उस्तै छन् । 


हाम्रो दुई नम्बर प्रदेशलाई बाबुराम भट्टराई जस्ता पात्रले भारतको इच्छा अनुसार हिमाल पहाड नमिसाएर समथर मात्रै बनाइयो । त्यो प्रदेशमा भोजपुरी, मैथली हुँदा हुँदै हिन्दी माग्नेहरु धेरै छन् । नेपालको सीमा युपी र बिहार हुनु दूर्भाग्य हो । अर्को एउटा समूह छ जसले तराई टुक्रा पार्छु भन्छ, यसमा युरोपेली युनियनको हात छ । 


अब क्रिष्चियनहरुले नेपालमा गाई काटेर खाऊ भन्छन् । गाई काट्नु पर्छ भन्नेहरुलाई सपोर्ट गर्नेहरु पनि छन् । यो सरकारले यस्ता तत्वलाई नियन्त्रण गर्नु पर्छ । तर सरकारले सक्दैन । किनभने केपी ओलीको मेरुदण्ड नै पश्चिमाको पैसा खाने एनजिओ, आइएनजीओ हुन् । 

 

मामाघर, वास्तविक घर पनि पारि भएकाहरुलाई नेपाल पठाइएको छ । किनभने नेपाल चुस्नु नै उनीहरुको चाहना हो ।

स्ट्रेट फरवार्ड डा. प्रेमसिंह बस्न्यात
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।