कुरा: खस्रा मिठा भिडियो

‘चीनको झण्डा जलाइएकै ठाउँ पुगेर मधेसी नेतासँग सुष्मा स्वराजको रहस्यमय भेट’ (भिडियो)

यो अपजशको घडा भारतको टाउकोमा फुट्नेवाला छ

‘चीनको झण्डा जलाइएकै ठाउँ पुगेर मधेसी नेतासँग सुष्मा स्वराजको रहस्यमय भेट’ (भिडियो)

काठमाडौं । ‘भारतलाई गाली गर्नु नै राष्ट्रवाद’ को मान्यताले बेला बेला नेपाली समाजमा प्रभुत्व जमाउँदैआएको छ । यस्तो मान्यता राजनीतिक दलका नेताहरुले नै स्थापित गरिदिएका हुन्छन् ।

 

पछिल्लो समय नेकपा एमाले नेता तथा ‘वेटिङ प्राईम मिनिस्टर’ केपी ओलीलाई पनि त्यही रुपमा ब्याख्या गरियो । ओलीले पनि आफ्नो प्रधानमन्त्रीकालमा भारतप्रति आक्रोशित बने ।

 

उनको झैँ पूर्वप्रधानमन्त्री पुष्पकमल दाहाल प्रचण्डले पनि भारतीय ‘दादागिरी’ को चर्को आलोचना गरेका थिए । प्रचण्ड, केपी ओली वा अन्य वामपन्थी दलका नेताहरुले जब भारतको चर्को आलोचना गर्छन् आम जनताले प्रशंसा गर्छन् ।

 

नेमकिपाका नेता नारायणमान बिजुक्छे, राष्ट्रिय जनमोर्चाका नेता चित्रबहादुर केसी लगायत केही नेताहरुले त ‘भारतविरोधी’ छवि बनाइसकेका छन् ।

 

भारत, चीन, बेलायत वा जुनसुकै मुलुकसँगको सम्बन्ध र त्यसका आयामहरु नितान्त कुटनीतिक विषय हुन् । तर यस्ता विषय सडकमा चर्को भाषण गरेर समाधान हुने पनि त हैनन् ।

 

मुलुकको प्रधानमन्त्रीले छिमेकी मुलुकसँगको सम्बन्धबारे बोल्ने फोरम भनेको सडक होइन । उनले त कुटनीतिक पहलबाटै राष्ट्रिय सम्बन्ध स्थापित गर्न सक्छन् ।

 

कुटनीतिक मामिला जानकार तथा राजनीतिक विश्लेषक अरुणकुमार सुवेदी यस्तै विषयमा आफ्नो गहन र फरक धारणा राख्दैआएका बुद्धिजीवी हुन् ।

 

दोस्रोपटक प्रधानमन्त्री पदको पर्खाइमा रहेका नेकपा एमालेका अध्यक्ष केपी ओलीको भारतसँगको सम्बन्धलाई सुवेदीले भिन्न दृष्टिबाट हेरेका छन् ।

 

थाईल्याण्ड भिजिट

केपी ओलीको पछिल्लो थाईल्याण्ड भ्रमणलाई भारतसँग सम्बन्ध सुधार्ने प्रयासको रुपमा सुवेदीले ब्याख्या गरेका छन् । ओलीले त्यहाँ भारतीय र चिनियाँ पक्षसँग भेट गरेको प्रसंग निकाल्दै त्यसलाई ओली र भारतको संयुक्त प्रयास भएको उनले बताए ।

 

साथै केपी ओलीले बिगतमा जस्तो बोले पनि पछिल्लो समय भारतसँग सम्बन्ध सुधार्न तयार देख्छन् सुवेदी । जब कि, केही साताअघि भारतीय प्रधानमन्त्री नरेन्द्र मोदीले ओलीलाई टेलिफोन सम्पर्क गरेका थिए । र भारतीय विदेशमन्त्री सुष्मा स्वराज नेपाल भ्रमणमा आइन् । तर यसबीचमा कुटनीतिक मर्यादा भने उल्लंघन भए ।

 

यद्यपि, छिमेकी मुलुक भारतसँग सम्बन्ध सुधार्नु नेपालको हितमा रहेको सुवेदीको बुझाइ छ । यही शिलशिलामा ओलीले भारतसँग सुधार्न खोजेको पछिल्लो सम्बन्ध राष्ट्रिय हितमा हुनसक्ने उनले बताएका छन् ।

 

सुष्मा स्वराजको नेपालयात्रा

सुष्माको नेपालयात्रालाई राजनीतिक रुपमा सम्बन्ध सुधारको पहलकदमीकै रुपमा बुझेका छन् सुवेदीले । साथै भारतीय नरेन्द्र मोदीले समेत पछिल्लो समय केपी ओलीसँग सम्बन्ध सुधार्न सुष्मालाई नेपाल भ्रमणमा पठाएको उनको बुझाइ छ ।

 

तर कुटनीतिक रुपमा भने स्वराजको भ्रमण गलत समयमा भएको उनले टिप्पणी गरे । ओली प्रधानमन्त्री भइनसकेको अवस्थामा नेपाल भ्रमणमा आउने गैरराजनीतिक प्रबृत्ति नकारात्मक भएको उनले बताए ।

 

ओलीका चुनौती

यद्यपि ओलीका लागि थुप्रै चुनौती रहेको सुवेदीले औँल्याएका छन् । प्रधानमन्त्री हुन नसक्ने सम्भावना पनि उत्तिकै रहेको भन्दै ओलीले थुप्रै चुनौती सामना गर्नुपर्ने उनको बुझाइ छ ।

 

एकातिर वाम एकता र अर्कोतिर राष्ट्रिय जिम्मेवारी । यसबीचमा पछिल्लो समय प्रचण्डको राजनीतिक चलखेल पनि ओलीका लागि प्रतियुत्पादक हुनसक्ने सुवेदी बताउँछन् ।

 

‘ओली यति जटिल परिस्थितिमा छन् कि यही परिवेशसँगै उनको राजनीतिक औकात मेटिनसक्छ,’ सुवेदीले भने । यतिबेला ओलीको एउटा काँधमा वाम एकताको भारी छ भने अर्को काँधमा छिमेकी भारतलाई रिझाउँदै राष्ट्रलाई सन्तुलित रुपमा हाँक्ने जिम्मेवारी ।

 

‘मुद्धाको हिसावले प्रचण्ड मात्रै एक्लो नेता भएको’ ठान्छन् सुवेदी । उनको मुद्धामा केपी ओली, शेरबहादुर देउवालगायत नेता जबर्जस्त आएको उनको ब्याख्या छ ।

 

‘बरु वाम एकता अभ्यासमा लागेका माधव नेपाल मुद्धाका हिसावले प्रचण्डसँग निकट छन्,’ सुवेदीले भने, ‘यसैले पनि भोलिका दिनमा प्रचण्ड र माधव नेपाल एकै कित्तामा उभिन सक्छन् ।’ वाम एकतासँगै माधव नेपाल र प्रचण्डको ‘केमेष्ट्री’ मिल्ने भन्दै यही प्रक्रियाले केपी ओलीको राजनीतिक प्रभाव सिद्धिनसक्ने अनुमान सुवेदीको छ ।

कुरा: खस्रा मिठा अरुणकुमार सुवेदी
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।