राजनीति भिडियो कुरा: युवाको

रिमालको टिप्पणीः एमालेको तल्लो तहसम्म कार्यकर्ता छन् प्रचण्ड त एक्लै छन् (भिडियो)

प्रचण्डले त भारतलाई नै प्रयोग गरे

रिमालको टिप्पणीः एमालेको तल्लो तहसम्म कार्यकर्ता छन् प्रचण्ड त एक्लै छन् (भिडियो)

काठमाडौं । वाम एकता अझै टुंगो लागेको छैन । नेकपा एमाले र माओवादी केन्द्रका मुख्य नेताहरु यही विषयमा भेटवार्ता जारी राखेका छन् ।

 

दुई दलका नेताहरुले वाम एकताको विकल्प नै नरहेको बताउँदैआएका छन् । यद्यपि दुई पार्टीभित्र पदीय भागबन्डाका कारण एकता अभ्यास प्रक्रिया लम्बिएको टिप्पणी हुँदैआएको छ ।

 

यही विषयमा राजनीतिक विश्लेषक तथा टिप्पणीकार हरिराम रिमालसँग नेपालआजको बहस भएको छ । रिमालले वाम एकता प्रक्रिया र यसका प्रभावबारे खुलेर ब्याख्या गरेका छन् ।

 

वाम एकता अब छिट्टै हुने उनको बुझाइ छ । केही अल्झन भनिए पनि पदीय ‘बार्गेनिङ’का कारण ढिलो हुनगएको रिमालले बताएका छन् ।प्रचण्ड डाइनामिक नेता

प्रचण्डको पछिल्लो भुमिकालाई ‘ढुलमुले’ भनी आलोचना भए पनि प्रचण्ड डाइनामिकङ नेता रहेको उनले बताएका छन् । प्रचण्डले केपी ओलीलाई जटिल अवस्थामा पनि साथ दिएको रिमालले बताए ।

 

प्रचण्डको पछिल्लो भुमिकाकै कारण देशले निकास पाएको उनले भनेका छन् । संविधान जारी, निर्वाचन गर्ने काममा समेत प्रचण्डको भुमिका मुलुकका लागि महत्वपूर्ण सावित भएको उनको तर्क छ ।

 

प्रचण्डको त्यस्तो प्रबृत्तिलाई ‘छेपारे प्रबृत्ति’ भने पनि मुलुकको लागि लाभ भएको उनले बताए । साथै केही अवस्थामा प्रचण्डले नै भारतलाई समेत प्रयोग गरिरहेको रिमालको टिप्पणी छ ।

 

एमाले बलियो माओवादी कमजोर

एकताका लागि एमाले बलियो पार्टी भएर पनि प्रचण्डसँग डराइरहेको उनको बुझाइ छ । तर एमालेका तल्लो तहसम्म कार्यकर्ता भएकाले माओवादीसँग डराउनुको कारण आफूले बुझ्न नसकेको उनले बताए ।

 

बरु माओवादीमा प्रचण्ड ‘एक्लो नेता’ भएकाले प्रचण्डसँग डराउनु एमालेहरुकै कमजोरी रहेको रिमालको टिप्पणी छ । उनले भने, ‘एमालेका साथीहरु ीकन प्रचण्डसँग डराउँदै हुनुहुन्छ मैले बुझेकै छैन । मज्जाले एकता गरे हुन्छ ।’

(रिमाल नेपालआजका नियमित टिप्पणीकार हुन् ।) 

 

हरिराम रिमाल कुरा: युवाको
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।