समाचार शेयर कर्पोरेट कुरा: पैसाको अर्थ

खुल्यो युनिभर्सल पावरको २१ लाख कित्ता आइपीओ, एउटैले ५ लाख कित्तासम्म आवेदन दिन पाउने

खुल्यो युनिभर्सल पावरको २१ लाख कित्ता आइपीओ, एउटैले ५ लाख कित्तासम्म आवेदन दिन पाउने

काठमाडौं। युनिभर्सल पावर कम्पनी लिमिटेडको २१ लाख कित्ता बराबरको आइपीओ आजबाट खुलेको छ । आयोजना प्रभावित क्षेत्रका बासिन्दालाई प्राथमिकतामा राख्दै कम्पनीले २१ लाख ३५० कित्ताको आइपीओ खुला गरेको हो ।

 

११ मेगावाटको तल्लो खारे खोला जलविद्युत आयोजना निर्माण गरिरहेको कम्पनीले आयोजना प्रभावित क्षेत्र अन्तर्गत रहेका दोलखा जिल्लाको गौरीशंकर, कालिन्चोक र बिगु गाउँपालिकाकका स्थानीयका लागि यस्तो आइपीओ बिक्री खुला गरेको हो ।

 

प्रति शेयर एक सय रुपैयाँ रहेको उक्त आयोजनाको २१ लाख कित्ता आइपीओ निष्कासनमा एउटै व्यक्तिले न्युनतम ५० देखि अधिकतम ५ लाख कित्तासम्म शेयर आवेदन दिन पाउने छन्। 
आवेदन भने यही पुस २९ गतेभित्र दिइसक्नुपर्ने कम्पनीले जनाएको छ ।

कुल २ अर्ब १० करोड रुपैयाँको चुक्ता पुँजी पुराउने लक्ष्य राखिएको यस आयोजनामा १ करोड १३ लाख कित्ता संस्थापकबाट, २१ लाख कित्ता आयोजना प्रभावित र बाँकी ७५ लाख कित्ता शेयर सर्वसाधारणबाट संकलन गरिने भएको छ । 


यसअघि आयोजना प्रभावित क्षेत्रका बासिन्दालाई दिएको शेयर बिक्री नभएकोमा त्यसलाई समेत जोडेर सर्वसाधारणको लागि जारी गरिएको कम्पनीले जनाएको छ । 

 

इक्रा नेपालबाट इक्रा एनपी आइपीओ ग्रेड ४ प्रमाणपत्र पाएको यो कम्पनीको प्रतिशेयर आम्दानी ०।८६ रुपैयाँ ऋणात्मक छ । यसले तीन वर्षमा १० रुपैयाँ ४६ पैसा शेयर आम्दानी पुर्याउने लक्ष्य राखेको छ ।

 

हाल यो कम्पनीको नाफा नै नभएकोले आगामी ३ वर्षमा २१ करोड ९८ लाख नाफा गर्ने प्रक्षेपण गरिएको छ भने सर्वसाधारणको लगानी ७ वर्षमै फिर्ता गर्ने बताएको छ । 

युनिभर्सल पावर आइपीओ
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।