समाचार अर्थ बैंकिङ प्रदेश ५

अब गुल्मीको रुरुमा प्रभु बैंक

अब गुल्मीको रुरुमा प्रभु बैंक

काठमाडौं । प्रभु बैंकको नयाँ शाखा गुल्मीको रुरुमा खुलेको छ । परराष्ट्र मन्त्री प्रदिपकुमार ज्ञवालीको समुद्घाटनमा प्रभु बैंकले गुल्मीको रुरु गाउँपालिका–४, रानीबास, बलेटक्सारमा आफ्नो नयाँ शाखा विस्तार गरेको हो ।

बैंकको नयाँ शाखा विस्तार गर्दै प्रभु बैंकका प्रमुख कार्यकारी अधिकृत अशोक शेरचनले बैंकको शाखा विस्तार भएसँगै रुरुबासीहरुमा बैंकिङसेवामा सहजता भएको बताए । 
उनले भने, ‘प्रभु बैंक सधै जनताकै सेवामा समर्पित छ र भोलिका दिनहरुमा पनि यो सेवा निरन्तर रहिरहने छ ।’ 

बैंकले रानीबास शाखा उद्घाटनको अवसरमा विपन्न वर्ग, महिला उद्यमी तथा भूकम्प पिडित कर्जा शीर्षक अन्तर्गत ५ जनालाई सहुलियत ब्याजदरको कर्जा समेत उपलब्ध गराएको बैंकले जनाएको छ । 
अबका दिनमा शाखाबाट सेवाग्राहीले गुणस्तरीय सेवा उपभोग गर्न पाउने समेत बैंकले दाबी गरेको छ ।

उद्घाटन कार्यक्रममा नेपाल सरकारका पुर्व मुख्य सचिव एवं छिमेकी देश चीनका लागि नेपाली राजदूत लिलामणी पौडेल र रुरु गाउापालिकाका अध्यक्ष निलकण्ठ गौतम विशिष्ट अतिथिका रुपमा सहभागी थिए ।

प्रभु बैंक
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।