समाचार प्रदेश ४

बन्चरो प्रहार गरी ९० वर्षीया आमाको हत्या

बन्चरो प्रहार गरी ९० वर्षीया आमाको हत्या

बागलुङ । बागलुङको दक्षिण जैमिनी नगरपालिका–१० राङखानीमाका एक व्यक्तिले बञ्चरो प्रहार गरी आफनै आमाको हत्या गरेका छन् । 

 


राङखानी देवलधाराका ६० वर्षीय कर्णबहादुर श्रीसले ९० वर्षीया वृद्धा आमा हरिकला श्रीसको बञ्चरो प्रहार गरि हत्या गरेको प्रहरीले जनाएको छ ।

 

 

मंगलबार राति हत्या गरेका कर्णबहादुरले बुधबार कुश्मिसेरा प्रहरी चौकीमा आई आत्मसर्मपण गरेका छन् । आमाले सधै गालि गरेकोले हत्या गरेको भन्दै प्रहरी समक्ष आत्मसमर्पण गरेका थिए । 

 

 

मृतकको पोष्टमार्टमको लागि धौलागिरी अञ्चल अस्पताल लगिएको जिल्ला प्रहरी कार्यालय बागलुङका प्रहरी नायव उपरिक्षक बालनरसिंह रानाले बताए । श्रीषको टाउकोमा गहिरो चोट लागेको प्रहरीले जनाएको छ । 

 

 

परिवारमा श्रीमती र छोरी सहित आफ्नो आमासँग बस्दै आएका कर्णबहादुर केही समय पहिले श्रीमती अर्कैसँग गएपछि तनावमा रहेको स्थानीयको भनाई छ । श्रीसले केही दिन अघि मात्रै बागलुङमा रहेको भारतीय पेन्सन क्याम्पबाट पैसा बुझेका थिए ।

 

 

पैसाकै विषयमा विवादा हुँदा आमाको हत्या गरेको हुनसक्ने स्थानीयले आशंका गरेका छन् । घटनाको विषयमा अनुसन्धान भईरहेको प्रहरीले जनाएको छ । नयाँ पत्रिकाबाट 

बागलुङ
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।