समाचार प्रदेश ४

भारतद्वारा कास्कीमा तीन शैक्षिक संस्थाको निर्माण, मन्त्री अधिकारीले गरे उद्घाटन

भारतद्वारा कास्कीमा तीन शैक्षिक संस्थाको निर्माण, मन्त्री अधिकारीले गरे उद्घाटन

कास्की । जिल्लाको लेखनाथ नगरपालिकास्थित श्री सरस्वती टिका उच्च माध्यमिक विद्यालयको भवन उद्घाटन गरिएको छ । विद्यालयको भवन शनिबार संस्कृति, पर्यटन तथा नागरिक उड्डयन मन्त्री रबिन्द्र अधिकारीले उद्घाटन गरेका हुन् । 


विद्यालय उद्घाटन समारोहमा भारतीय दूतावासका मिशन उप९प्रमुख डा. अजय कुमार पनि उपस्थित थिए । डा. अजय कुमारले पनि श्री लक्ष्मी आदर्श महुमुखी क्याम्पस र श्री गुप्तेश्वर महादेव महुमुखी क्याम्पसको उद्घाटन गरे । 

 


टिका उच्च माध्यमिक विद्यालय ३७.१० मिलियन नेपाली रुपैँया बराबरको भारतीय  सहयोगमा निर्माण गरिएको होे । राष्ट्रिय परिक्षा बोर्डसँग आबद्ध उक्त विद्यालयले १०ं२ तहका विभिन्न कार्यक्रम प्रदान गर्दै आएको छ ।

कास्कीको प्रतिष्ठित उक्त विद्यालयले त्यहाँ अध्ययनरत विद्यार्थीलाई गुणस्तरीय शिक्षा प्रदान गर्दै आएको छ । सो विद्यालयमा अध्ययनरत झण्डैै एघार सय विद्यार्थीमध्ये ४५ प्रतिशत छात्रा छन् । 

 


यस्तै, ४८.४० मिलियन रुपैयाँमा भारतीय सहयोगमा लक्ष्मी आदर्श बहुमुखी क्याम्पसको निर्माण भएको हो ।

 

 

त्रिभुवन विश्वविद्यालयसँग आबद्ध रहेको उक्त क्याम्पसले शिक्षा संकायमा स्नातक तहसम्म चार वर्षे पूर्णकालिन कार्यक्रम एवं १०ं२ तहमा व्यवस्थापन, शिक्षा र मानविकी संकायमा पनि सेवा प्रदान गर्दछ ।

यस क्याम्पसमा ४ सय ५० भन्दा बढी विद्यार्थी अध्ययनरत छन् जसमध्ये ८५ प्रतिशत छात्रा रहेका छन् । त्यस्तै, ४१.१० मिलियन रुपैयाँ बराबरको भारतीय सहयोगमा गुप्तेश्वर महादेव बहुमुखी क्याम्पसको निर्माण भएको हो ।

 

 

यो त्रिभुवन विश्वविद्यालयसँग आबद्ध रहेका एक गैरनाफामूलक प्राज्ञिक संस्था हो जसले बि.एड, बिबिएस र एमबिएस संकायमा सेवा प्रदान गर्दछ ।

सन् २०१८ को शैक्षिक सत्रदेखि यस क्याम्पसले बिएचएम र बिआईएम संकायमा पनि अध्यापन शुरु गरेको छ । यस क्याम्पसमा ४ सय १८ जना विद्यार्थी अध्ययनरत छन् जसमध्ये ८० प्रतिशत छात्रा रहेका छन् । 

नवनिर्मित संरचनाहरु (सभा हल, कम्प्युटर ल्याब, पुस्तकालय, आदि) ले विद्यार्थीका लागि अध्ययन गर्ने वातावरणलाई थप उर्जाशील बनाउनुका साथै कास्की, स्याङजा, पर्वत, म्याग्दी र तनहुँ जिल्लाका थुप्रै विद्यार्थीका लागि शिक्षाको पहुँच पनि सुनिश्चित गर्नेछ ।
 

कास्की लेखनाथ नगरपालिका मन्त्री रबिन्द्र अधिकारी शैक्षिक संस्था
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।