समाचार प्रदेश १

बारीमै कक्षाः खोटाङमा पूर्वदेखि पश्चिमसम्मका विद्यार्थी

बारीमै कक्षाः खोटाङमा पूर्वदेखि पश्चिमसम्मका विद्यार्थी

खोटाङ । ‘चौबन्दीमा पटुकी बाँध्या छैन भन्दैमा....’ मुगुकी आङ्बु लामा गुन्गुनाइरहेकी थिइन् । बाजुराका नरेश मल्ल देउडा गाउँदै थिए ।

 

 

उनीहरूसँगै रमाइरहेका थिए, धादिङकी सन्जिता चेपाङ, सर्लाहीका देव साह, बाजुराका धिरज मल्ललगायत बालबालिका । दिक्तेल रुपाकोट मझुवागढी नगरपालिका–२ स्थित जनजागृति आधारभूत विद्यालयका बालबालिका यसैगरी रमाइरमाई पढिरहेका छन् ।

 

 

तीन वर्षअघि बन्द भएपछि स्थानीय अभिभावकको पहलमा सञ्चालनमा आएको विद्यालयमा पूर्वदेखि पश्चिमसम्मका विभिन्न जाति र भाषाका ९२ विद्यार्थी अध्ययनरत छन् ।

 

 

विद्यालयको शिक्षणशैली फरक छ । पाठ्यपुस्तकमा एकोहोरो घोकाइँदैन, व्यवहारमा सिकाइन्छ । दैनिक जीवनमा आइपर्ने सबैखाले शिक्षा दिइन्छ ।

 

 

सरकारी पाठ्यक्रममा आधारित शिक्षाका साथै बालबालिकालाई अन्य शीर्षकमा पढाउने गरिएको प्रधानाध्यापक सविता ढकालले बताइन् ।

 

 

उनका अनुसार विद्यालयमा बोली नेपाली, अंग्रेजी, हिन्दी, चाइनिज, खाना उत्पादन गर्ने, बनाउने, खाने, प्रकृति घाम, पानी, धरती, आकाश, हावा, प्रविधि यन्त्र, उपकरण, लुगा धागो उत्पादनदेखि सिलाउने, डिजाइन गर्ने, स्वास्थ्य, खेलकुद, मनोरन्जनलगायत विषय सिकाइन्छ । कान्तिपुर दैनिकबाट

खोटाङ पूर्वदेखि पश्चिम
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।