कभर स्टोरी भिडियो

अब प्रचण्डलाई बोकेर भारतले नेपालमा अस्थिरता मच्चाउछ (भिडियोसहित)

अब प्रचण्डलाई बोकेर भारतले नेपालमा अस्थिरता मच्चाउछ (भिडियोसहित)

काठमाडौं । प्रधानमन्त्री केपी शर्मा ओलीले यसपटक नेपालआजका नियमित भिडियो स्तम्भकार डा. प्रेमसिंह बस्न्यातबाट प्रशंसा पाएका छन् । नेपाली सेनाका पूर्वसहायक रथी बस्न्यातले प्रधानमन्त्री ओलीले संयुक्त राष्ट्र संघको महासभामा राम्रो वक्तव्य दिएको उल्लेख गर्नुभएको छ । एक बलियो, विकसित मुलुकका प्रधानमन्त्रीले झै प्रधानमन्त्री ओलीले महासभालाई सम्बोधन गर्नु भएको बस्न्यातको भनाइ छ । नेपाली राजनीति र नेतृत्वबारे खरो टिप्पणी गर्ने बस्न्यातले यसपटकको बसाईमा राख्नु भएको धारणाको सार निम्नानुसार छः 

 

–‘यसपटक प्रधानमन्त्री केपीले संयुक्त राष्ट्र संघको महासभामा राम्रो बोल्नु भयो । अमेरिका जाँदा ६ जना जाँदा हुन्थ्यो । तर २० जनाको डफ्फा लिएर जानु भएको भन्ने पनि छ । कोस्टारिका नजाँदा पनि हुन्थ्यो । तर बहकिएर हिँड्नु भयो ।

 

–    ओली सरकारले नराम्रो काम गरेको छैन । तर राम्रो काम पनि भएन । सरकारको गति देखिएन । दुई तिहाईको सरकारको बल देखिएन । लुरे सरकार बनेको महशुस भएको छ । 

 

–    डा. बाबुराम भट्टराई राजनीतिमा आएका कारण उनले राजनीतिलाई भद्रगोल बनाए । 

 

– माधवकुमार नेपाल किन रोइकराई गर्नुहुन्छ ? मैले बुझ्न सकेको छैन । आफू प्रधानमन्त्री हुँदा मुग्लिङको पुल मर्मत गर्न निर्देशन दिँदा सचिवले अटेरी गरेको, राजमार्गको खाल्डा पुर्न कर्मचारीले चासो नदेखाएको गुनासो गर्नु भएको थियो । 



–    दुई दुई ठाउँबाट हारेको मान्छे माधव नेपाल प्रधानमन्त्री भए । नेपालमा धेरैजसो काग्तालीले प्रधानमन्त्री बन्नेहरु छन् । आफ्नो क्षमताले त त्यस्तै उस्तै हो । अहिले अर्का हरुवा बामदेव गौतम बुरुक बुरुक गरिरहेका छन् । 

 

–    माधव नेपाल, वामदेव गौतम, शेरबहादुर देउवा यि सबै टेस्टेड असफल नेताहरु हुन् । यिनीहरुले सरकारको बारेमा धेरै बोल्न आवश्यक छैन । यिनीहरुको पालामा नेपालमा के के सम्म भएन ? सोचौं त । 

 

–    सरकार टिम स्पिरिटमा चलेको छैन । निजगढ विमानस्थल बनाउन पर्यटनमन्त्री रवीन्द्र अधिकारी रुख काट्नु पर्छ भन्दैछन् । वनमन्त्री रुख काट्न दिन्न भनिरहेका छन् । 

 

–    एमाले र माओवादी मिल्नु भनेको बागमतीमा ढल मिसिएजस्तो हो । ढल भनेको माओवादीहरु हुन् । 

 

–    डा. बाबुराम भट्टराई बिखण्डनबारी हुन् । उनले अमेरिकामा मैले घुस खान आवश्यक छैन । दम्पत्ती नै इञ्जिनियर भएको दावी गरे । जेठीसासुहरुलाई लगेर लुट मच्चाएको होइन त ? 

 

–    देशको दुश्मनको पुनर्जन्म बाबुरामका रुपमा भएको हो । नेपालीहरुले जहाँ भेटे पनि छिःछिः दुरदुर गर्ने बेला आएको छ । सिंगो नेपाल बाबुरामलाई चाहिएकै छैन । उनी सिके राउत छुटाउन पनि जान्छन् । 

 

–    प्रचण्ड चतुर नेता हुन् । यिनी एसियाकै चलाख नेता हुन् । यिनले कसलाई घोडा बनाएनन् होला र ? राजालाई पनि मुर्ख बनाए । पूर्वएमालेको काखमा बसेर यिनी मजा गरिरहेका छन् । मानवअधिकार उल्लंघन र भ्रष्टाचार जोगाउन      प्रचण्डले यस्तो गरिरहेका छन् । 

 

–    नेपालका राजाले नेपाल–भारत सम्बन्ध बिगारेको भनेर भारतमा गएर भारतीय झै भएर बोल्ने प्रचण्ड जस्ता खराब पाउन गाह्रो छ । अब भारतले प्रचण्डलाई बोकेर नेपालको राजनीति अस्थीर बनाउछ । 

 

–    राजेन्द्र क्षत्रीले पत्रकार सम्मेलन गरेर आफ्नो सम्पत्ति कसरी त्यति भयो स्पष्ट पार्नु पर्छ । 

 

–कल्याण श्रेष्ठ एनजिओको हिरो हुन् ।’
 

डा. बाबुराम भट्टराई सिके राउत प्रचण्ड केपी ओली डा. प्रेम सिंह बस्न्यात

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्