बैंकिङ

११७ सहकारी संस्था दर्ता, १२ को दर्ता खारेज

११७ सहकारी संस्था दर्ता, १२ को दर्ता खारेज

 

असार - २४ । सहकारी डिभिजन कार्यालयमा चालु आर्थिक वर्षमा ११७ वटा नयाँ सहकारी संस्था दर्ता भएका छन् ।

चालु आवमा सिरहामा ५८ र सप्तरीमा ५९ वटा नयाँ सहकारी संस्था थपिएको कार्यालयका सूचना अधिकारी प्रकाश योङ्गहाङ्गले जानकारी दिनुभयो । उनका अनुसार योसँगै अब सिरहामा सहकारी संस्थाको सङ्ख्या ६७७ पुगेको छ भने सप्तरीमा ७२८वटा छ ।

दर्ता भएर लामो समयसम्म कुनै कारोबार नगर्ने सिरहा र सप्तरीको १२ वटा सहकारी संस्थाका दर्ता खारेज भएको छ । दर्ता भएको १० वर्षभन्दा बढी समयसम्म पनि कुनै कारोबार नगरेको भन्दै कार्यालयले सिरहाको पाँच र सप्तरीको सातवटा सहकारी संस्थाका दर्ता खारेज गरेको हो ।

गत आर्थिक वर्षमा पनि सो कार्यालयले सिरहाको दश र सप्तरीको १६ वटा गरी २६ वटा सहकारी संस्थाको दर्ता खारेज गरेको थियो । दर्ता गराएर पनि लामो समयसम्म कुनै कारोबार गरेको नदेखाएकाले ती सहकारी संस्थाको दर्ता खारेज गरिएको कार्यालय प्रमुख रामप्रसाद सुवेदीले जानकारी दिए । उक्त कार्यालयले सिरहा र सप्तरीलाई कार्यक्षेत्र बनाएर काम गर्दै आएको छ । 

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्